افغان عیاللر اویغونلیک کینگشی مسؤوللری، جمهورلیک ریاست سیلاوی تعیین ایتیلگن زمانیده اوتکزیلیشی اوستیگه تأکیدلب و سیلاو کمیسیونی دن حکومت و جمهورلیک ریاست نامزدلری تامانیدن بو کمیسیون اوستیگه باسقین کیریتیلگنده اهالی بیلن شریک قیلیشی نی سوره گن.
اولرگه کوره، سیلاو کمیسیونلری ایرکین ادارهلر بولگن و حکومت بیلن جمهورلیک ریاست نامزدلری بو کمیسیونلرنینگ ایشلریده ارهلشمسلری کیرهک.
بوگون «پنجشنبه، 20- سرطان» کابلده اوتکزیلگن خبری ییغینده افغان عیاللر اویغونلیک کینگشی اعضاسی اوگی امیل نینگ ایتیشیچه، جمهورلیک ریاست سیلاوی اصلاحات کیریتیلیشی و شفافیتی تأمینلنیشی اوچون آرتده قالدیریلگن صورتده یخشی دیر، بیراق بو ایش سیاسی مقصدلر عملگه آشیریلیشی اوچون بولگنده، اولر قبول قیلمهیدی.
اوشبو بیاناتلردن کمیده بیر آی آلدین، سیلاو ایرکین کمیسیونی اعضالریدن بیری مولانامحمد عبدالله نینگ ایتیشیچه، جمهور رئیس غنی نینگ اطرافیده بولگن قطار کیشیلر، سیلاو کمیسیونی نینگ ایشلریده ارهلشیب و بو کمیسیون نینگ ایشی گه توسیق بولهدی.
شونینگدیک اونینگ ایتیشیچه، جمهورلیک ریاست نامزدلری، سیلاو کمیسیونی ده نفوذ قیلیش اوچون سعی و حرکت قیلهدی.
جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن.
شو توغریده…
مولاناعبدالله: ارگده قطار کیشیلر سیلاو ایرکین کمیسیونینینگ ایشلریگه ارهلشهدی
