پاکستان باش وزیری نوازشریفنینگ سهشنبه کونگی کابل دهگی سوزلری آچیق ایدی. او، آچیق پیام بیلن کابل کیلگن. جناب شریف، جمهور رییس غنی بیلن بولگن بیرگهلیک اولتیریشیده ایتیشیچه، افغانستان دشمنی پاکستاننی دوستی بولمهیدی. او، طالبلر تمانیدن یولگه قوییلگن عزم ناملی هجوملرنی محکوم قیلدی.
اوتکن 13 ییلده پاکستان رسمیلری طالبلردن آت توتیب، اولرنی حرکتلرینی محکوم قیلمهگنلر. پاکستانلیک جنراللر و سیاستچیلری بوندن آلدین طالبلرنی افغانستاندهگی موجود وضعیت قربانلیکلری بیلیب، اوروش جایزلیگینی بیلدیرگن ایدیلر. انه شونینگدیک پاکستان اهالیسی وحزب باشلیغلری نوازشریفدن آلدین طالبلر توغریسیده بیر نرسه دیمهگنلر.
طالبلردن کوپینچه زیاننی پاکستاندهگی اولوس حزبی کورگن. پاکستان طالبلری مذکور حزب رهبری بینظیر بوتونی ترور قیلدی. شونینگدیک 2013 ییل اولوس حزبی سیلاولر کمپاینی اوستیگه هجوم اویوشتیریب بیرقطار طرفدارلرینی هلاک ایتکنلر. مذکور واقعه سبب اولوس حزبی آواز قولگه کیریته آلمهگن.
بیراق نوازشریفنینگ آلدیندن طالبلر بیلن دشمنلیگی یوق. پاکستانلیک طالبلر 2013 – ییل اونینگ سیلاولر کمپاینی اوستیگه هجوم اویوشتیرمه گن. نوازشریف حزبینی هیچ بیر ییریک اعضاسی پاکستانلیک طالبلر تمانیدن ترور بولمهگن. «نواز شریف 2013 – ییل قدرتگه ایریشگن چاغیده اعلام قیلدی کیم، پاکستان طالبلری بیلن مذاکره قیلهدی. شونینگدیک نوازشریف 1998-1997 – ییل لرده اوشه زمان افغانستانده حاکم بولگن ملاعمرنی آلقیشلهگن ایدی. او، اوشه زمانده هم پاکستاننینگ باش وزیری ایدی، پاکستان پارلمانیدن لایحه اوتکزیب اونگه اساس مذکور اولکهده قانون تصدیقلشنی اصلی منبعسی فقهی حکملر بولیشی اوچون کورهشیلردی». شریف اوشه زمان پاکستان پارلمانی نماینده لریگه، افغانستاندهگی طالبلر حکومتی اونی دقتی آستیده بولگنلیگینی ایتگن ایدی. 1999 – ییل جنرال پرویز مشرف قیامی باعث نوازشریفنینگ بو برنامهلری عملگه آشیریلمهدی.
نوازشریف بو سفریده اجراییه باشلیغی بیلن هم اوچرهشدی
پاکستان باش وزیری آچیق شکلیده افغانستان دشمنی پاکستا دوستی بوله آلمهیدی دیب بیان قیلدی. نوازشریفنی بو سوزی پاکستانلیک باشقه جنراللر و سیاستچیلری سوزیگه قرشی ایدی. پاکستانلیک ایشدن چیقگن جنراللر تکرار شکلده اوز حمایتلرینی طالبلردن بیلدیرگنلر. بیراق نوازشریفنی سهشنبه کونگی کابل دهگی سوزلریگه کوره، اونینگ حکومتی بو سیاستدن اوزاقلشگن.
حاضرگی شرایطده نوازشریفنینگ فکری اوزگرگن. او، بوندن کیین طالبلردن حمایت قیلمهیدی. شونینگدیک جناب شریف آچیق صورتده اولکه سینی افغانستان برابریدهگی امنیتی سیاستلریدن تنقید قیلهدی.
«پاکستان باش وزیریگه کوره، افغانستان دشمنی پاکستان نینگ دوستی بوله آلمهیدی. نوازشریفنی بو سوزی باشقه پاکستانلیک جنراللر و سیاستچیلری سوزیگه قرشی ایدی. پاکستانلیک ایشدن چیقگن جنراللر تکرار شکلده اوز حمایتلرینی طالبلردن بیلدیرگنلر.».
نوازشریف انچه مدتدن بویان شوندهی نتیجه گه ایریشگن کیم منطقه امنیتی و ثبات لیگی تامین بولمسه، پاکستان ثبات لیگی تامین بولمه ی و اقتصادی هم یوکسلمه یدی. او، 2013 – ییل سیلاوده پاکستان اولوسی گه سوزبیرگن کیم مذکور اولکه اقتصادی و امنیتی نی تامین لیدی. نوازشریف یخشی بیله دی کیم، پاکستان امنیتی تامین لنیشی و اقتصادی نی یوکسلیشی، منطقه ثبات لیگی و قوشنی اولکه لر علاقه سیگه باغلیق. انه شو سبب قدرت گه ایریشگندن کیین کابل – اسلام آباد و ینگی دهلی علاقه لرینی مستحکم لشتیریش توغری سیده جدی شکلده کوره شدی. او، هند باش وزیری نارندرا مودی نینگ آنت ایچیش مراسمی ده اشتراک ایتیب، اونی قولینی فشار بیریب تارتیشوولرگه طرافدار ایمس لیگینی تیلگه آلدی. عین پیام نی هم کابل گه یوباردی.
ایتیلیشیچه، اونینگ حزبی (مسلم لیگ) پاکستانده طالب لر رهبرلریگه ایتکن کیم، کابل بیلن مذاکره قیلسه لر یخشی بوله دی. اونگه کوره، اگر افغانستان طالب لر کابل بیلن مذاکره اوتکزسه، پاکستان لیک طالب لرگه اسلام آباد بیلن مذاکره قیلمس لیککه هیچ بیر دلیل قالمه یدی.
ملی بیرلیک حکومتی ایشی باشلنگندن بویان، پاکستان حربی سی باشلیغی نیچه مرته افغانستان گه سفر قیلدی.
کورینیشیچه، نوازشریف حربی نی اوزیگه قره تیش اوچون جدی شکلده کوره شه دی؛ بیراق حاضرگه قدر حربی لایحه سی گه هیچ بیر اوزگریش کورینمه یدی. پاکستان حربی سی حاضرگه قدر طالب لر و اولرگه تیگیشلی تشکیلات لردن حمایت قیله دی.
شونینگدیک نواز شریف، جمهور رییس غنی نینگ پاکستان توغری سیده بولگن سیاستی نی خوش قرشی له دی. 22- ثور کابل گه کیلیب ایکی تمانلمه سیاستی توغری سیده بحث اوتکزه دیلر. کابل ده هم کیم سه نوازشریف نینگ افغانستان توغری سیده بولگن توشینچه لریگه شبهه لنمه یدی. بیراق حقیقت بو دیر کیم پاکستان تشقی سیاست لریگه، مذکور اولکه نی حربی سی ایزیم آله دی. تا زمانیکه پاکستان لیک جنرال لر افغانستان برابریده بولگن هند محورلیک امنیتی سیاست لردن وازکیچمسه، نوازشریف قولیدن هیچ بیر ایش کیلمه یدی.
