افغانستان دولتی تامانیدن تعیینلنگن مذاکره قیلیووچی هیات اعضالریدن بیری نینگ کیملیگی سیرقالیشنی ایستهب سلاموطندارگه ایتیشیچه، مذاکره قیلیووچی هیات نینگ طالبان نمایندهلری بیلن مذاکره قیلیش مقصد ده ایرته "جمعه" کونی قطرگه سفر قیلیشی ممکن.
منبع نینگ کوپهیتیریشیچه، تینچلیک سوزلشوولرگه قرشی بهانه و موانعلر کوتاریلگن.
بوندن آلدین طالبان گروهی نینگ قطردهگی سیاسی دفتری سوزلاوچیسی داکتر نعیم وردک، تینچلیک سوزلشوولر خصوصیده ینگی یوتوقلر قولگه کیلمهگنیدن خبر بیرگن ایدی.
اونینگ ایتیشیچه، طالبان 6 محبوسی حاضرگهقدر قطرگه انتقال بیریلمهگن و اونینگ چکهسیده تینچلیک جریانیگه قرشی قطار قیینچلیکلر موجود دیر. او بیللی شکلده هیچبیر قیینچیلیک دن آت توتمهگن.
نیچه پیت آلدین نشر قیلینگن گزارشلرده ایتیلیشیچه، افغانستان مذاکره قیلیووچی هیاتینی اوتگن هفته
"پنجشنبه" کونی قطرگه سفر قیلیشی ممکن ایدی، بیراق بیللی بولمهگن دلیللر سبب، کیینگه قالگن.
