آمریکا و طالبان گروهی نمایندهلری آرهسیده بولگن تینچلیک سوزلشوولر پنجشنبه و جمعه کونی توختهتیلدی و "شنبه" کونی قیتهدن باشلهنیشی ممکن.
طالبان گروهینینگ بیر اعلامیه آرقهلی ایتیشیچه، بو گروه و آمریکا نمایندهلری "سهشنبه" کوندن اوتگن کونی توشگچه چیتایللیک کوچلرنینگ چیقیشی و اوتگن کونی توشدن سونگ، افغانستان توپراغیدن باشقه مملکتلرگه قرشی قولهنیلمهیشی خصوصیده مذاکره قیلگنلر.
طالبان گروهینی سوزلاوچیسی ذبیحالله مجاهدنینگ اعلامیه گه ایتیشیچه، سوزلشوولر اوتگن کونی شام چاغیده یکونلندی بوگون و ایرته اوز ارهلریده مصلحت قیلهدیلر و شنبه کون صورت تاپهدیگن ییغینگه تیارگرلیک آلهدیلر.
اعلامیهده کوپهیتیریلیشیچه، طالبان گروهینینگ سیاسی اورین باسری ملاعبدالغنی برادر، اوتگن ایکی کون جریانیده قطر تشقی ایشلر وزیری و باش وزیرینینگ اورین باسری عبدالرحمان الثانی، قطر ملی خوفسیزلیک مصلحتچیسی محمد المسند، افغانستان تینچلیک لایحهسی بوییچه آمریکا خاص نمایندهسی زلمی خلیلزاد و افغانستان بوییچه کیسکین حمایهوی کوچلر قومندانی اسکات میلر بیلن اوچرهشگن.
اوشبو اوچرهشوولرده تینچلیک لایحهسی و افغانستاندن چیتایللیک کوچلرنی کامل صورتده چیقیشی خصوصیده صحبت قیلینگن.
اعلامیهده کوپهیتیریلیشیچه، اوشبو گروه تینچلیک سوزلشوولر، تینچلیکنی تامینلش و افغانستانده اسلامی نظامنی کیلتیریش اوچون تعهدلی دیر.
تینچلیک سوزلشوولرنینگ 5- دوری اوتگن "دوشنبه" کونی قطر باشکنتی دوحه ده باشلندی و اوشبو سوزلشوولر بیرینچی کونیده افغانستان تینچلیک لایحهسی بوییچه آمریکا خاص نمایندهسی زلمی خلیلزاد، طالبان گروهینینگ سیاسی اورین باسری ملاعبدالغنی برادر بیلن اوچرهشگن.
عینحالده، افغانستان تینچلیک لایحهسی بوییچه آمریکا خاص نمایندهسی زلمی خلیلزادنینگ تویتر صحیفهسیده یازیشیچه، دوحه ده طالبان گروهینینگ نمایندهلری بیلن بولگن اوچ کونلیک مذاکره منفعتلی ایکن.
اونینگ کوپهیتیریشیچه، بیربیراومیزنی درک قیلیش و تینچلیککه قول تاپیش اوچون آهسته و دایمی قدملریمیز دوام قیلهدی.
جناب خلیلزادگه کوره، دوحه ده تینچلیک سوزلشوولرنینگ دوامی بار، شونینگدیک افغانستانلیکلر و طالبان آرهسیده صورت تاپهدیگن سوزلشووده اشتراک قیلیش اوچون کابلده مذاکره قیلهدیگن ملی بیر هیئت تیارگرلیک آلماقده.
شوتوغریده…
