حکومت نینگ اصلاحات و یخشی حکومتدارلیک سابق خاص نمایندهسی احمد ضیا مسعود 8 ثور مجاهدلرنینگ سابق شوری کوچلریگه قرشی موفقیتلری 25-ییلیگی مناسبتی بیلن سوزگه چیقیش قیلیب، حکومت نی قانونی ایمس دیدی.
جناب ضیامسعود بو سوزنی شوپیتده بیان قیلدی که نیچه پیت آلدن جمهور رییس محمد اشرف غنی اونی یخشی حکومتدارلیک و اصلاحات بارهسیده کوزگه کورینرلی ایش قیلالمهگنی اوچون ایشدن آلگن ایدی.
مسعود خلقدن ایستهدی جمهور رییس غنینی استعفا بیریشگه مجبور قیلسینلر.
جمهور رییسلیک سرایی نینگ مطبوعات دفتری سرپرستی شاهحسین مرتضوی نینگ سلاموطندارگه ایتیشیچه، مملکت ایشاوچیلری اوز اعتراضلرینی بیلدیریش بارهسیده اساسی قانون رخصت بیرگن. اونگه کوره، جمهور رییس اساسی قانون یوزهسیدن قدرتگه کیلگن و اونی قدرتدن کیتیشی هم اساسی قانونگه اشاره قیلینگن.
احمدضیا مسعود 8 ثور مجاهدلرنی موفقیتلی کونی مناسبتی بیلن حکومت ایش سیزلیگی و اونی بوییرده ایش قیلالمهگنی دلیل خلقدن کیچیریم سورب ایشیدن استعفا بیرماقچی ایکن.
هر ییل افغانستانده 8 ثور سابق شوری ریژیمیگه موفق بولگن کونلری سیاستچیلر تامانیدن کوتیب آلینهدی. درحال 7 و 8 ثور دن بیری افغان یاشوچیلری ایچکی اوروشلر دن میلیونلرچه دالر زیان کوریشلری یانیده مینگلب کیشی جان هم بیرگنلر.
