.jpg)
افغانستان نینگ جنوبی ولایتلری اینیقسه ننگرهار ولایتیده داعش جنگریلری فعالیتگه باشلهگن آوازهسی نیچه ییلدن بیری تیلگه آلینماقده.
کورینیشیچه بوندن نیچه آی آلدین داعش نینگ فعالیتب اچین تومنیده چیکلنگن ایدی؛ اما، اوتگن هفته داعش تودهسی آرقهلی غور ولایتیده 30 کیشی تینچ اهالی اولدیریلیشی مسالهگه بی فرق یاندهش مسلیک اوچون امنیتی مسووللرنی ینه بیر بار آگاهلنتیریش بولدی.
نمایندهلر مجلسی نینگ کاتبی ظاهر قدیر بوگون (شنبه) پارلمان نینگ عمومی ییغنیده، داعش نینگ افغانستاندهگی فعالیتینی حکومت یاشیرهدی دیگن. حال بوکه اوشبو جنگری حرکت حکومت تصوریدن کوره فعالیتی آشیب باشقه ولایتلرده هم ایلدیز آتگن تیلگه آلینهدی.
جناب قدیر، مملکت شرقیده جایلشگن توره بوره منطقهسی داعش جنگریلری تامانیدن تصروف ایتیلگن تقدیرده، بو حرکت خراسان خلیفه لیگینی عملده تاسیس قیلیشی ممکن دیدی. نمایندهلر مجلسی بیرینچی کاتبی نینگ سوزلریگه قرهگنده، ناتانیش اوچاقلر کیچهلر داعش تودهسیگه ییگولیک آذیق آوقت ییتکزیب بیرهدی. بو حرکت هر لحاظدن حمایت ودستکلنهدی دیگن جناب قدیر.
.jpg)
اما، سیاسی تحلیلچی فردوس کاوش، داعش تودهسی افغانستانده خراسان خلیفهلیگینی اساس قوییش کوچیگه ایگه ایمسلیگنی سلام وطندارگه بیرگن صحتبده ایتگن. جناب کاوش، داعشنی ییریک کوچ صفتیده کورسته دیگن شخصیتلر حکومتدن امتیاز آلیش اوچون سعی وحرکت قیله دیلر دیگن.
اصلی قلمرویده زوالگه دوچار بولگن اوشبو حرکت حاضر حکومت اوچون جدی بیر خطر ایمس، بلکه افغانستان حکومتیگه یگانه وجدی تهدید طالبان حرکت حسابلنهدی دیگن جناب کاوس.
تینچ اهالینی عاموی قیرغین ایتگن داعش حرکتی، بوندن آلدین جاری ییل اسد آیی نینگ ایکّینچیسیده آیدنلیک حرکتیگه قرشی اویوشتیریلگن هجوم مسوولیتینی ذمه سیگه آلگن ایدی. بو حادثه ده 84 انسان قربان بولیب کمیده 231 کیشی آغیر یینگیل یرهلنگن ایدی. بو قانلی حادثهدن انچه وقت اوتمسدن توریب بو حرکت عاشورا عزادرلیک ییغینیده صادر بولگن هجومنی هم بوینیگه آلدی. اوشبو واقعهده 14 کیشی هلاک بولیب 23 نفر یرهلنگن ایدی.
