پاکستان نینگ ملی و مذهبی حزبلریدن بیر قطاری رسانه‌لرگه روسیه، چین و پاکستان مملکتلری افغانستانده تینچلیک اورنه‌تیش باره‌سیده اوچ تامانلمه سوزله‌شیشلری مذکور مملکت رضایتی بیلن بولمسه، نتیجه بیرمه‌یدی دیگنلر.
اولرگه کوره، افغانستان رسمیلری خلق ارا تینچلیک اولتیریشلریده حضور تاپمه‌گن تقدیرده، بونقه اولتیریشلر کوزگه کورینرلی نتیجه بیرمیدی.
ملی عوامی حزبی نینگ رهبری و سابق خیبر پشتون‌خواه اعلی وزیری حیدرخان هوتی، منطقه‌ده تینچلیک وثبات اورنه‌تیشده مملکت‌لر یاردمینی خوش قرشیلیدی، بیراق نماینده‌سی بولمسدن افغانستان اوچون بوله‌دیگن اولتیریشلرنی قاره‌لیدی.
جناب هوتی نینگ ایتیشیچه، منطقه‌ده تینچلیک اورنه‌تیش باره‌سیده صحبت بولگن تقدیرده، بوتون منطقه مملکتلری نینگ اشتراکی لازم.
اسلامی جماعت مذهبی حزبی نینگ رهبری سراج‌الحق هم مسکوده بولیب اوتگن روسیه، چین و پاکستان مملکتلری نینگ اوچ تمانلمه اولتیریشنی قاره‌لب ایتیشیچه، افغانستان خلقی یانیده توریب بومملکتدن حمایت قیله‌دی.
جناب سراج‌الحق نینگ ایتیشیچه، افغانستاننی تینچلیک اولتیریشلریده اشتراک ایتیشی قبول بولگن و افغانستانده امنیت اورنه‌تیلمه‌گن تقدیرده پاکستانده هم امنیت کیلتیریب بولمه‌یدی.
روسیه، چین و پاکستان مملکتلری اوچ تامانلمه اولتیریشی مسکوده بولیب اوتدی، اولتیریشده مذکور مملکت‌لر طالبلر باشلیغ‌لری نینگ بیرلشگن ملتلر امنیت کینگشی قاره‌لیستیدن چیقاریلیشی‌گه قرار قبول قیلیندی.
مسکو اولتیریشیده قره‌تیب افغانستان تشقی ایشلر وزیرلیگی و ملی کینگشی تامانیدن جدی قرشی‌لیکلر حواله قیلیندی.
