ییغین افغانستانده امنیت تامین بولیشی و ترورچیلیککه قرشی مشترک همکارلیکلرنی کینگیتیریش اوچون اوتکزیلگن. کنفرانسده افغانستان جمهور رییسی محمد اشرفغنی هندوستان باش وزیری نریندرا مودی قتنشگن.
شونینگدیک بو ییریک ییغینده دنیانینگ40دن آرتیق دولتلرینینگ تشقی ایشلر وزیرلری هم اشتراک ایتگن. آسیا یورهگی دیب نام بیریلگن کنفرانس افغانستان و هندوستان تشقی ایشلری وزیرلری نمایندهلیک قیلهدی.
کنفرانس ایکّی مملکت تشقی ایشلر وزیرلری آرقهلی آچیلدی.
آسیا یورهگی ناملی خلق ارا کنفرانسده نطق سوزلهگن افغانستان جمهور رییسی محمد اشرفغنی، هندوستان کومکی و همجمعیت دولتلرینینگ همکارلیگی اوچون افغانستان خلقی نامیدن قتنشگن دولتلر نمایندهسیگه منتدارلیک بیلدیرگن. غنی، فسادگه قرشی کورهش و موفقیتگه ایریشیشنی تیزلشتیریش مرکزلشتیریلگن اصلی موضوعلردن بولگن لیگیگه اشاره قیلگن.
او، مملکتلر ارا منسابتلرنی کوچلنتیریش اوچون اوزاق مددتلی همکارلیککه احتیاج بار و بو مملکتلر ایسه بیر – بیراوینینگ همکارلیکی بیلن کوزلهگن مقصگه ییته دیلر دیگن.
اخیرگی وقتلردهگی سیاسی همده اقتصادی بولیملرده قولگه کیریتیلگن یوتوقلرگه اشاره قیلگن جمهور رییس غنی، افغانستاننی منطقه دولتلری بیلن باغلشنی تیلگه آلگن. لیکن، افغانستان بو نیتیگه ایریشیش اوچون فقط ایکّی مملکت بیلن ایمس منطقه دولتلرینینگ قوشمه همکارلیک قیلیشیگه جدی احتیاج بار دیگن.
مملکت رهبرینینگ سوزلریگه کوره، پاکستان تامانی حربی عملیاتلریگه بعضی اوزگریشلر کیلتیریشدن ایشانچ بیرهدی. اما، هنوز هم رسمی کابل – اسلام آبادنینگ مناسبتلری اونچهلیک یخشی ایمس لیگینی هم رد قیلمهگن جناب غنی.
غنی، پاکستان حکومتیدن ترورچیلیککه قرشی کورهشده صادق بولیشی حقیده ینه بیر بار تاکید قیلگن.
افغانستان رهبری، ترورچیلیک و آسیادهگی زوروانلیککه غالیب چیقیش اوچون بو پدیدهگه قرشی مبارزگه دوام بیریش کیرهک دیگن. ترورچیلیک مسالهسی اوچون تفاوتسیز قالمسلیکده هماهنگلیک وجودگه کیلگن دیدی اشرفغنی.
اسلامی دولتلر مقاسیده ایشلرنی یخشیلشتیریب مناسبتلرنی کیینگیتیریش اوچون هر تامانلمه لایحه ایشلب چیقاریلیشی اوچون کته احتیاج بار دیدی افغانستان رهبری محمد اشرفغنی.
عین حالده، جمهور رییسغنی دایمی یرهشگه ایریشیش اوچون هندوستان دولتی نینک حمایتیگه سیزیلرلی درجهده احتیاج بارلیگی اوستیده علیحده اورغولهگن.
هند باش وزیری نریندرا مودی، مملکتی افغانستان حکومتیگه تورلی ساحهلرنی اوز ایچیگه آلگن بولیملرگه همکارلیک قیلگنیدن علاوه تینچلیک مذاکرهسی اوچون هم یاردم بیریشدن سوز بیرگن.
افغانستان جغرافیهوی موقعیتیگه اشاره قیلگن مودی، بو مملکت منطقهدهگی دولتلر ایچیده یخشی موقعیتگه ایگه بولگنی سبب تجاری ساحهده دنیا نینگ باشقه مملکتلری بیلن هم باغلهنیشی ضرور دیگن.
او، بوتون مملکتلر افغانستانده اقتصاد رواجلهنیشی ینه ترورچیلیککه قرشی کورهش و یرهش تامین بولیشی اوچون تفاوتسیز قالمس لیکلرینی تیلگه آلگن.
افغانستان نینگ سیاسی همده اقتصادی ساحهسیده رواجلهنیشی اوچون ترورچیلیک مسالهسی ییریک معما بولگن لیگیگه اشاره قیلگن جناب مودی، بو کنفرانس افغانستان اقتصادی، سیاستی و امنیتی اوچون ایجابی اوزگریش آلیب کیلیشی ییغین نینگ اصلی هدفلریدن حسابلنه دیگن.
او، افغانستان یانیده توریب بو مملکتنی قوللب قوتلشده دوام بیریشی اوچون تاکید قیلگن.
کنفرانسده سوزلهگن مملکت تشقی ایشلر وزیری صلاحالدین ربانی، افغانستان منطقه دولتلریدن بو مملکتده امنیت اساسی شکلده تامین بولیشی اوچون عملده آدیم کوتاریب همکارلیک قیلیشلرینی طلب قیلگن.
آسیا یورهگی ناملی ییغینده پاکستان باش وزیرینینگ مصلحتچیسی، روسیه، چین و تورکیه دولتی نینگ نمایندهلری قتنشگن. ییغینگه افغانستان، پاکستان، آذربایجان، چین، هند، ایران، قزاقستان، قرغزستان، روسیه، سعودی عربستان، تاجیکستان، تورکیه، ترکمنستان و بیرلشگن عرب امیرلیگی اعضالیک قیلهدی.
اوشبو کنفرانس نینگ بیرینچی ییغینی میلادی 2011- ییلده افغانستان تکلیفی اساسیده تورکیه ده اوتکزیلگن ایدی. شو کبی بو کنفرانسگه اوتگن ییل رسمی اسلام آباد میزبانلیک قیلگن ایدی.
