بوگون "یکشنبه" افغانستان بوییچه آمریکا ایلچیسی جان بس نینگ کابلده اداری فسادگه قرشی کورهش ییللیک ییغینده ایتیشیچه، افغانستانده اداری فسادگه قرشی کورهشیش ایجابی نتیجه بیرمهگن و بو عمل افغانستان حکومتینینگ اداری فسادنی نابود قیلیش خصوصیده ارادهسی یوقلیگینی کورستهدی.
جناب بس نینگ کوپهیتیریشیچه، اداری فساد افغانستان نینگ یوتوقلریگه توسیق بولگن، بیراق اوشبو قیینچیلیکنی نابود قیلیش اوچون هیچکیم سعی و حرکت قیلمهیدی و بو موضوع خلق ارا جماعهسی و آمریکا دولتینینگ نامید بولیشیگه سبب بولگن.
آمریکا ایلچیسی نینگ ایتیشیچه، افغانستانده صورت تاپهدیگن مالی یاردملر نیچه کیشینینگ شخصی منفعتیگه هزینه ایتیلهدی و اوشبو ایش افغانستان نینگ ایشانچینی قولدن بیریشیگه سبب بولگن.
مذکور برنامهده مملکت جمهور رئیسی محمداشرف غنی نینگ ایتیشیچه، اداری فسادگه قرشی کورهشیش اوچون نهادلر آرهسیده هماهنگلیک و تعهد ایجاد ایتیلیشی کیرهک. جناب غنیگه کوره، قانون حاکملیگی اداری فسادگه قرشی کورهشیش اوچون اساسی عنصر دیر.
جناب غنینینگ ایتیشیچه، فاسد کیشیلرنینگ هویتینی باش قارهلاوچلیک ادارهسی تامانیدن فاش ایتیلیب و دوسیهلرینی نهایی ایتیلیشی کیرهک.
