.jpg)
ملی بیرلیک حکومتینینگ اجراییه باشلیغی عبدالله عبداللهنینگ برهانالدین ربانینینگ 7-ییل تروردن یادلش اوچون یولگه قوییلگن مراسمده ایتیشیچه، بایومتریک سیستمهسیدن قولهنیش خصوصیده سیلاولر ایرکین کمیسیونینینگ قراری اعلان ایتیلگن صورتده، اهالی و سیاسی حزبلر خواطرلرینینگ یکونلنیشی ممکن.
جناب عبدالله، کیلسی جمهورلیک ریاستی سیلاویده اشتراک قیلیشنی رد قیلهدی. اونینگ ایتیشیچه، هرقندی قرارنی اهالی مصحلتی بیلن آلینیشی ممکن.
ملی بیرلیک حکومتینینگ اجراییه باشلیغی گه کوره، اوشبو حکومتنینگ جمهورلیک ریاستی سیلاویگهقدر دوام تاپیشی ممکن.
عینحالده، اسلامی جمعیت حزبینینگ باشلیغی و مملکت تشقی ایشلر وزیری صلاحالدین ربانینینگ اوشبو مراسمده ایتیشیچه، سیلاولرده بایومتریک سیستمهسیدن قولهنیش سیاسی حزبلرنینگ اساسی ایستکلریدن دیر. اونینگ ایتیشیچه، قولابی بولگن سیلاو افغانستان خلقینینگ منفعتیگه بولمی بلکیم نیچه زورهوان کیشینینگ منفعتیگه دیر.
شونینگدیک اجراییه ریاستینینگ ایکینچی اورین باسری محمد محققنینگ ایتیشیچه، افغانستانی حاضرگی قینچیلیکلردن قورتهریش اوچون بایومتریک سیستمهسیدن قولهنیش بیرینچی یول دیر.
محمد محققنینگ مملکت ایچکی ایشلر وزیرینینگ ادعالریگه قرشی کیلیب ایتیشیچه، زوردن قولهنیش حقیقتده سیاسی حزبلرگه قرشی ایچکی اوروشنی اعلان قیلیش دیر.
نیچه پیت آلدین مملکت ایچکی ایشلر وزیری، سیاسی حزبلر و جریانلر سیلاولر ایرکین کمیسیونینینگ دفترلرینی یاپیب قویگن صورتده، اولرگه قرشی زوردن ایش آلیشلری ممکن دیگن ایدی.
