نمایندهلر مجلسی بوگون (چهارشنبه) عمومی ییغینده مالیه، تجارت وزیری همده ناحربی هوا یوللر ادارهسی و ییر بوتونلیگی ریاستی رسمیلرینی دولت نینگ 144 جریب ییری الکوزی شرکتیگه تاستیلگن لیگی توغریسیده جواب بیریش اوچون چقیرگن ایدی.
نمایندهلر مجلسی نینگ قطار اعضالری حکومت آرقهلی بو مقدارده گی ییر کیم آشتی سوداسی اوتکزیلمسدن همده ارزان نرخگه ساتیلگن لیگینی تقیند قیلگنلر. اولرنینگ سوزلریگه کوره، اوشبو ییرلر کابل خلق ارا هوا قونالغهسی یانیده جایلشگن. بو ییرنینگ هر بیر جریبی 5000 دالر مقابلیده الکوزی شرکتیگه ساتیلگن لیگی ایتیلهدی.
نمایندهلر مجلس اعضاسی عبدالقیوم سجادی، مذکور ییر ساتیلیش سوداسیده اساسی قانون و ییر قانونی آیاق آستی بولگن دیدیلر. اونگه کوره، هر بیر جریب ییر 4 یوزمینگ دالر تخمین قیلینگن.
شونینگدیک نمایندهلر مجلسی نینگ اعضالری جهور رییس غنی نینگ سیلاولر آلدی ترغیبات برنامهلرگه الکوزی شرکتی قوللب قوتلهگنی اوچون هلی جمهور رییس غنی بو ییرلرنی اینگ ارزان قیمت بیلن بو شرکتگه ساتگن لیگینی اوعا قیله دیلر.
ناحربی هوا یوللر ادارهسی نینگ باشلیغی حامد ظاهر بو توغریدهگی جمهور رییس غنی نینگ حکمینی اوقیب، اوشبو شرطنامه عالی اقتصاد کینگشی نینگ تیکشیروودن کیین کابینه قراری و جمهور رییس غنی تصدیق لهشی بیلن عملی بولگن دیدی.
نمایندهلر مجلسی نینگ ینه بیر اعضاسی اقبال صافی، مملکت بویلب مینگلب جریب ییر زوردن تارتیب آلینگن لیگی توغریسیده کیشی نینگ آوازی چیقمهیدی، اما بو شرکت نینگ سرمایه یاتقزیشی تنقید آستیگه آلینهدی دیگن.
نمایندهلر مجلسی نینگ باشلیغی عبدالرووف ابراهیمی، اوشبو ییرلر الکوزی شرکتیگه ساتیلیشی اساسی قانونگه ضد ایکنلیگی بارهسیده اورغولهگن.
