افغانستان تینچلیگی بوییچه آمریکا نمایندهسی زلمی خلیلزاد نینگ ایتیشیچه، افغانستان تینچلیگی و بو مملکت نینگ سیاسی و امنیتی وضعیتی توغریسیده هند تشقی ایشلر وزیری اس جی شنکر بیلن سوزلشگن.
بوگون (یکشنبه 31- حمل) جناب خلیلزاد بیر توییت آرقهلی یازیشیچه، مذکور اوچرهشووده افغانستان ده جاری سیاسی فاجعه حل ایتیلیشی و افغانستان رهبرلری همهشمول بیر حکومت تشکیل بیریشلری حقیده سوزلشگن.
اونینگ کوپهیتیریشیچه، شونینگدیک بو اوچرهشووده افغانستان حکومتی و طالبان گروهی آرقهلی محبوسلرنی قوییب یوباریش پروسهسی تیزلیک بیلن آلغه کیتیشی، زوروانلیکلرنی کمهیتیریش و افغانستانلیکلرارا سوزلشوولر باشلهنیشی حقیده بحث قیلینگن.
اوتگن هفته جهادی رهبر عبدالرب رسول سیاف و مملکت سابق جمهوررئیسی حامد کرزی گه یقیین منبعلرنینگ ایتیشلریچه، ارگ و سپیدار سیاسی جنجللر حل ایتیلیشی اوچون یخشی نیت کورستگن. سابق جمهوررئیس حامد کرزی، عبدالرب رسول سیاف، محمد کریم خلیلی و محمد یونس قانونی مملکتده سیاسی فاجعه یکونلهنیشی اوچون سعی و حرکت قیلماقده.
افغانستان تینچلیگی بوییچه آمریکا خاص نمایندهسی نینگ ایتیشیچه، افغانستان تینچلیگی حقیده هند نینگ قیلگن سعی و حرکتلرینی خوش قرشیلهگن.
عین حالده، اوتگن هفته زلمی خلیلزاد اسلامآباد کیتدی و شونینگ او ییرده پاکستان حربیلری نینگ باشلیغی جنرال قمر جاوید باجوه بیلن افغانستان تینچلیگی حقیده آمریکا نینگ سعی و حرکتی خصوصیده بحث قیلگن.
