جمهورلیک ریاست سیلاوی یولگه قوییلیش عرهفهسیده، افغانستان بوییچه بیرلشگن ملتلر تشکیلاتی نینگ باش کاتبینی خاص نمایندهسی تدامیچی یاماموتونینگ ایتیشیچه، سیلاو مدنی بیر فعالیت دیر و سیلاو جریانلریده اشتراک قیلهدیگن تینچ اهالی و آواز بیریش مرکزلرنی برابریده بولگن هجوملر خلق ارا قانونی گه ضد و اوروش جنایتی سنلهدی.
جناب یاماموتونینگ اورغولشیچه، بوندهی جنایتلرنینگ عامللری جواب بیریشلری کیرهک و طالبان گروهی دن سیلاوگه خلقت ییتکیزووچی هرقندهی حرکتدن باش تارتیشینی سورهگن.
افغانستان بوییچه بیرلشگن ملتلر تشکیلاتی نینگ باش کاتبینی خاص نمایندهسی بو بیانات نی «سهشنبه کون، 3- میزان» قطر باشکینتی دوحه ییغینیده بیرگن.
افغانستان بوییچه بیرلشگن ملتلر تشکیلاتی نینگ اورین باسرلیک هیأتی یا-ده یوناما دفتری بیر اعلامیهده یازیشیچه، دوحه ییغینیده جناب یاماموتو ینه بیر بار سیلاوگه خلقت ییتکیزووچی هرقندهی فعالیت اینیقسه آواز بیرووچیلرنینگ خوفسیزلیک بولیمی و سیلاو جریانیده دخیل بوتون تینچ اهالی برابریده هرقندهی هجومدن قول تارتیلیشی خصوصیده بیرلشگن ملتلر تشکیلاتی نینگ طالباندن بولگن ایستهگینی تکرارلهگن.
شونینگدیک، یاماموتونینگ ایتیشیچه، افغانستان یشاوچیلری تینچ فضاده اوز آوازلریدن فایدهلنیب و ایشانچلی سیلاونی کوتیش گه حقلی دیر.
افغانستان بوییچه بیرلشگن ملتلر تشکیلاتی نینگ اورین باسرلیک هیأتی، بوتون مسؤوللردن سیلاو جریانلری نینگ ایشانچی سقلهنیشی و یشاوچیلر تینچ بیر فضاده آواز بیریشلری اوچون مناسب فضا ایجاد ایتیلیشی خصوصیده، سعی و حرکت قیلیشلرینی سورهگن.
تدامیچی یاماموتونینگ ایتیشیچه، آواز بیرووچیلر قورقینچ و تهدید دن اوزاق آواز بیریش و مملکت باشلیغینی تنلش ده اساسی قانون تامانیدن بیریلگن حقلریدن فایدهلنیشلری کیرهک.
جمهورلیک ریاست سیلاوی، شنبه کون، 6- میزان ده یولگه قوییلهدی. سیلاو خوفسیزلیگینی تأمینلش حکومت و بیرلشیکلری اوچون اینگ کته سیناو سنلهدی.
بیرلشگن ملتلر تشکیلاتی نینگ اعلامیهسیده، پروان ولایتیده جمهور رئیس غنی نینگ رهبرلیگیده بولگن دولت قورووچی سیلاو تیمی برابریده یوز بیرگن خودکش هجوم گه اشاره قیلینیشیچه، آواز بیریش کونی یقینلنیشی بیلن آواز بیرووچیلرنینگ قورقینچلری توغریسیده کوپلب گزارش ترقهتیلگن و طالبان تامانیدن ترقهتیلگن اعلامیهده سیلاوگه دخیل کیشیلر تهدید آستیده بولیشی بیلگیلنگن.
اوتگن هفته پروان ولایتیده دولت قورووچی تیمی نینگ برابریده یوز بیرگن خودکش هجوم ده 30 تینچ اهالی هلاک و باشقه 51 تهسی یرهلنگن ایدی. اوشبو هجوم مسؤولیتینی طالبان گروهی بوینیگه آلگن ایدی.
بیرلشگن ملتلر تشکیلاتی نینگ اعلامیهسیده کوپهیتیریلیشیچه، مذکور تشکیلات تینچ اهالی برابریده قصدی شکلده عمل گه آشیریلهدیگن بوتون هجومنی قارهلهیدی و برچه تامانلردن سیلاو جریانیده آتیشمهلرینی کمهیتیریب و تینچ اهالی نینگ خوفسیزلیگی تأمینلنیشی اوچون جدی شکلده چاره تدبیر کوریشلرینی سورهگن.
شوندهی بیر حالتده اوتگن هفته طالبان گروهی نینگ عالی اوقوو و اورگتیش و تربیهلش کمیسیونی بیر اعلامیه ترقهتیب بوتون اورگهتیش و تربیهلش ادارهلری نینگ مسؤوللریدن بو ادارهلرده آواز بیریش مرکزلر ایجاد ایتیلیشی گه توسیق بولیشلرینی طلب قیلگن.
طالبان گروهی نینگ اعلامیهسیده کیلیشیچه، مذکور گروه نینگ هجوملریده تینچ اهالی، اوقیتووچیلر و اوقووچیلرگه «مالی و جانی» زیان ییتیشینی ایستمهیدی.
شونینگدیک، مذکور گروه ولایتلردن بیرقطاری نینگ یشاوچیلرینی سیلاوده اشتراک قیلمسلری خصوصیده آگاهلنتیرگن.
شو توغریده…
سیلاو اوچون تیسکری سنهش باشلندی؛ طالبان فاریاب اهالیسینی آگاهلنتیردی
