شو سونگیده اجتماعات، تحصن و ناراضیلیکلر بارهسیده قانون یازیلگنلیک میش-میشی کوپلب نمایندهلر ومدنی فعاللر قرشیلیگی بیلن روپهره بولدی.
اولرنینگ ایتیشیچه، بو قانون حکومتگه مدنی حرکتلر آلدینی آلیش اوچون کوپراق حق بیرهدی و سوز ایرکینلیگینی ایاغ آستی قیلیشی بیلن اساسی قانونگه قرشی و مستبدانه دیر.
مجلس اعضاسی شاهگل رضایینینگ ایتیشیچه، اجتماعات، تحصن و اعتراضلر قانونی یازیلیشی مملکت اساسی قانونیگه قرشی و سوز ایرکینلیگی و یشاوچیلر حقینی آلیشگه سبب بولهدی.
اونگه کوره، حکومت مجلسنینگ یازلیک تعطیلات زمانیده اوشبو قانوننی تنقینی فرمان صادر قیلیشی بیلن توشیح قیلب خلق ایرکینلیگینی آلهدی.
مدنی فعاللردن سمیع درهیی ینگی یازیلهدیگن اجتماعات، تحصن و ناراضیلیکلر قانونینی مدنی اعتراضلر آلدینی آلیش و سوز ایرکینلیگیگه قرشی دیب بیلهدی و ایتیشیچه، حکومت یشاوچیلرنی سرکوب قیلیش سیاستینی آلیب بارماقده.
یاروغلیک حرکتی اعضاسی داوود ناجینینگ ایتیشیچه، حکومت بونقه قانون صادر قیلیشی بیلن یشاوچیلرنینگ مدنی حرکتلریگه توسیق چیقماقچی بولهدی.
جناب ناجی، حکومت یشاوچیلر قولینی مدنی اعتراضلردن کوتاه قیلگن صورتده، جامعهنینگ خشونت تامان باریشی ممکن.
بیراق جمهور رییسلیک سرایی مطبوعات دفترینینگ سرپرستی شاهحسین مرتضوینینگ ایتیشیچه، بو قانون نهایی ایمس و اوستیگه ایشلنهدی.
بونگه قوشیمچه، اجتماعات، تحصن و اعتراضلر قانونی اوستیده اجتماعی ترماغلرده هم بحث قیلینماقده.
اجتماعی ترماغده فعالیت قیلهدیگنلردن کوپیسی «یاروغلیک حرکتی» نینگ ایکینچی اسد کونی یولگه قویهدیگن اعتراضلری آلدینی آلیش اوچون بو قانوننی توشیح قیلهدی.
