بوگون نمایندهلر مجلسی نینگ قطار اعضالری پارلمان نینگ عمومی ییغینده، جمهور رییس غنی مجلس نینگ بیرقنچه رهبرلیک اعضالری بیلن اوچرهشیب قیلگن ملاقاتیده امنیتی ادارهلرنینگ وزیرلری پارلمان تامانیدن چقیر تیریلگن تقدیرده، نمایندهلر مجلسنی بیکار قیلهمن دیگن مسالهنی ایتگنلر.
مجلس اعضالری، جمهور رییس غنی نینگ بو سوزلری توغریدن – توغری پارلمان ایشیگه ارهلشیش دیدیلر.
جمهور رییس غنی نینگ بو قبیل سوزلری بارهسیده جدی عکسالعمل بیلدیرگن پارلمان نینگ اعضاسی لطیف پدرام، جمهور رییس نینگ اوزی قانون نقطه نظردن اوندی بیر موقفده ایمس، پارلماننی تهدید قیلسه دیگن.
اونینگ تعبیریچه، جمهور رییس غنی بو قبیل سوزلرنی تیلگه آلگن پیتده، « اچیق اوستیده عین حالده جوده شاشکن ایدی».
مجلس نینگ بو اعضاسی مادامیکه حکومت اوزی ناقانونی بیر شکلده وجودگه کیلگن بولسه – ده قندهی قیلیب پارلماننی بیکار اعلان قیلیشی ممکن دیگن؟
پارلمان نینگ باشقه بیر اعضاسی میرویس یاسینی، حکومت تقلب همده ساخته لشتیریلگن بیر سیلاو نتیجهسیده وجودگه کیلدی؛ قندهی قیلیب نمایندهلر مجلسینی بیکار قیله آلهدی دیدی؟
جمهور رییس غنی بیلن اوچرهشیب ملاقات قیلگن مجلس نینگ بیرینچی اورین باسری همایون همایون، هیچ بیر کیشی پارلمان ایشلری اینیسقه امنیتی ادارهلر وزیرلرینی چقیرتیریش اوچون ارهلشه آلمس لیگی بارهسیده مجلس اعضالریگه ایشانچ بیرگن.
جناب همایونگه کوره، اساسی قانونگه موافق، هر بیر وزیرنی چقیرتیریش مجلس نینگ مسلم حقی دیر. مجلس نینگ ایچکی اصول و لایحهسیگه موافق امنیتی ادارهلرنینگ وزیرلری چقیرتیریلیشی اوچون نمایندهلر مجلس اعضالرینینگ20% امضاسی ییغیلهدی.
نمایندهلر مجلسی نینگ بیرینچی اورین باسری بو خصوصده جمهور رییس بیلن صحبت قیلگن لیگینی تیلگه آلکن. لیکن، کمرهلر حضوریده موضوع بارهسیده تفصیلات بیریشمهگن او.
اما، جمهور رییس سوزلاووچیسی نینگ اورین باسری دواخان مینهپال، نمانیدهلر مجلسی بیکار قیلنیشی توغرسیده جمهور رییس غنی هیچ کیم بیلن مصلحت قیلمهگن دیدی.
بو قبیل سوزلر، اوتگن ییل حوت آیی نینگ 25-سیده نمایندهلر مجلس اعضالری، کابلده سردار محمد داوودخان شفاخانهسیده یوز بیرگن قانلی هجوم آرتیدن ایچکی ایشلر، مدافعه و ملی امنیت ادارهسی نینگ وزیرلری حمل آیی نینگ 7-سیده چقیرتیریلیشی خصوصیده قرار قبول قیلگن بیر پیتده ایتیلماقده.
