مزارشریف شهری حربی وضعیتنی اوزیگه آلیب و بازارلر رخصت بولگن. عبدالرقیب مبارزنینگ اوشبو ولایتده پولیس قومندانی عنوانیده تعیین ایتیلگنیدن سونگ، مزارشریف شهرینینگ وضعیتی خواطرلنترووچی بولگن.
بوگون "پنجشنبه" عبدالرقیب مبارزنی بلخ پولیس قومندانی عنوانیده تانیتیلیش قراری آلینگن، بیراق بلخ سابق حاکمی عطامحمد نور، اوشبو حرکتگه توسیق بولیشینی بیلدیرگن. جناب مبارز بلخ سابق پولیس قومندانی محمداکرم سامح نینگ اورنیده تعیین ایتیلگن و جناب سامح اسلامی جمعیت حزبینینگ اعضاسی دیر.
مزارشریف شهری بوگون ایرتهلب حربی وضعیتنی اوزیگه آلگن، بلخ پولیس قومندانلیگی و مولانا جلالالدین محمد بلخی هوا قونالغهسینینگ یولی یاپیلگن.
اوتگن کیچه عطامحمد نور، فیسبوک صحیفهسیده بیر اطلاعیه ترقهتیش بیلن مزارشریف شهرینینگ یشاوچیلریدن امنیتلرینی سقلش اوچون وظیفهلریگه حاضر بولمهی و دکانلرینی باغلهب قویشینی سورهگن.
جناب نور، جمهورلیک ریاستینی توطیه توزهتیش و بلخ یشاوچیلرنینگ تینچلیک و امنیتینی برهم اوریشگه عیبدار بیلگن. اونینگ ایتیشیچه، «جمهورلیک ریاستی، بلخ ولایتی بیلن صورت تاپگن کیلیشووگه قرشی حرکت قیلهدی و اوشبو ولایت یشاوچیلریگه قرشی شوم لایحهنی قولگه آلگن.»
209 شاهین قول اردو قومندانلیگینینگ بیر پیام آرقهلی ایتیشیچه،بو قول اردو حربیلر تیارگرلیک آلماقده.
عینحالده، ایچکی ایشلر وزیرلیگینی سوزلاوچیلیک دفترینینگ سرپرستی نصرتالله رحیمینینگ ایتیشیچه، اوشبو وزارت قراری تیزلیکده بیللی بولهدی.
حاضرده حکومت رسمیلری، ولایتی کینگش باشلیغی، نمایندهلر کینگشی اعضالری و سابق جهاد قومندانلردن بیرقطارینینگ حضوری بیلن عطامحمد نورنینگ اویده سوزلشوونی دوامی بار.
بو توغریده بلخ محلی مسووللری و امنیتی رسمیلرینینگ فکرینی آلیش اوچون سعی و حرکت قیلدیک، بیراق موفق بولمهدیک.
