حکومت تامانیدن نیچه کونلیک آتیشکیسین اعلان ایتیلگنیدن سونگ، طالبان گروهی هم رمضان هییتی مناسبتی بیلن اوچ کونلیک آتیشکیسین اعلان قیلدی، بوگون "شنبه" اوشبو گروه اعضالری کابلده کیلیب پرچملرینی کوتهسنگی هوایی کوپریگی اوستیگه قیستیرگن.
کابل پولیس قومندانلیگینینگ سوزلاوچیسی حشمت استانکزینینگ سلاموطندارگه ایتیشیچه، طالبان گروهینینگ باشکنت گه کیلیشیدن کابل پولیس قومندانلیگی جریان گه و وضعیت امنیتی کوچلر کنترولیگه دیر.
اونینگ ایتیشیچه، کابل گه کیلگن طالبلر، قوراللرینی کابل ایشیکلریده پولیسگه تاپشیریب و کابلدن چیقهدیگن بیرچاغده اولرنینگ قوراللری قیتهدن تاپشیریلهدی.
رمضان هییتینینگ بیرینچی کونیده هم، طالبان گروهی اعضالریدن بیرقطاری ولایتلردن بیرقطاریگه باریب، هییت نمازینی امنیتی کوچلر و اهالی بیلن بیرگه اوقیب و اولرنینگ اوشبو عمللری اجتماعی ترماقلرده مثبت و منفی واکنشلر بیلن دوچ کیلگن.
کورنیشیچه، طالبان گروهینینگ اعضالری کابل شهریده قورال سیز کیلگن؛ بیراق ولایتلردن بیرقطاریگه اوشبو گروه اعضالری قورال بیلن شهرلرده کیریب، پرچملرینی شهر ایریم منطقهلریده قیستیرگن.
ایچکی ایشلر وزیرلیگینینگ سابق اورین باسری میرزا محمد یارمندنینگ ایتیشیچه، طالبان گروهی اعضالرینینگ کابل و باشقه ولایتلرده حضور تاپیشلری خواطرلنتروچی دیر؛ بیراق امنیتی کوچلرنینگ دقت قیلیشلری کیرک.
جناب یارمند گه کوره، طالبلر چکهسیده باشقه قورالی گروهلرنینگ هم حضوری بار، اولرنینگ طالبلردن اجرهتیش زور دیر و امنیتی کوچلرنینگ وضعیتنی درک قیلیش بیلن تیارگرلیک آلیشی لازم.
