فیفا نینگ افغانستان ایرکین و تنیق سیلاو ادارهسی سوراوی گه کوره، حاضرگی نمایندهلرنی 90 فایزی کیلهسی سیلاووگه اوزلرین کاندید قیلیشلری ممکن.
فیفا لایحهلرینینگ ملازمی نعیم اصغریگه کوره، سوراو جریانیده کورینیشیچه نمایندهلر کمیسیون نینگ ایشلریدن، ایش بیلرمانلرنینگ یوقلیگیدن و توغری مدیریت بولمگنیدن خواطر بیلدیرگنلر.
اصغری گه کوره، کمیسیون سیلاوو اوچون مردم نینگ ایشانچینی قولگه کیلتیریشده موفق بولمهگن.
شونینگدیک اوشبو سوراو نتیجهسیگه کوره، کینگش نمایندهلری، سیاسی حزبلر و مدنی جماعه اعضالری نینگ 57 فایزی، پارلمان سیلاووی جمهورلیک ریاست سیلاووی بیلن بیرگه لیکده بولیب اوتیشینی معلوم قیلگنلر.
مذکور سوراو اساسیده: ملیکینگش نمایندهلرنینگ 90 فایزی حکومت نینگ ارهلشی، 65 فایز کمیسیون نینگ تنیق سیلاو اوتکزیش اوچون کوچسیزلیگی، 54 فایز کمیسیون نینگ ولایت سیلاولرده طرف سیز قالیشی، 44 فایز کمیسیون نینگ مدیریت سیزلیگی و باشقه 36 فایز کمیسیوندن تشقری ارهلش لردن خواطر بیلدیرگنلر.
انه شو حالده نمایندلرنینگ 87 فایزی اوتگن سیلاو آواز بیریش کارتینی قیته استعمال بولیشی گه توسیق بولیب و باشقه 63 فایزی سیلاوو مرکزلرینی اوزگریشی یا ده کیچیک بولیشیگه قرشی لیک بیلدیرگنلر.
بیراق سیلاوو کمیسیونی ملازملری مذکور سوراو گه قرشیلیک بیلدیریب، تشقی ارهلش لرگه توجه قیلمی ایرکین لیک بیلن ایش قیلیشلرینی ایتگن.
فیفا نینگ اوشبو سوراوی عقرب و جدی آیلریده بولیب اوتگن ایدی. مذکور سوراو ده 29 ولایت دن 60 ته ایرکک و 20 ته عیال شامل 80 نماینده بیلن صحبت اوتکزیب همده مدنی جماعه و سیاسی حزبلرنینگ فکرلری اورگهنیلگن.
