اروپا بیرلیگی، افغانستانده اوشبو بیرلیک نینگ حمایتینی جمهوریت ارزشلری سقلهنیشیگه مشروط قیلگن.
بوگون "دوشنبه" جمهورلیک ریاستی نینگ بیر خبرنامه نشر قیلیب ایتیشیچه، بو موضوعی اروپا بیرلیگی نینگ تشقی سیاستلر بوییچه مسوولی جوزپ بوریل، جمهور رییس غنی بیلن اوتکزگن تلفونی صحتیگه بیان قیلگن.
اروپا بیرلیگی نینگ تشقی سیاستلر مسوولی نینگ ایتیشیچه، جمهوریت ارزشلری سقلهنیب و کوچلی بولگن صورتده، اوشبو بیرلیک نینگ حمایتی دوام قیلهدی.
ارگ نینگ جوزپ بوریل دن نقل قیلیب یازیشیچه: «بیز بو پیامی میزنی طالبان گروهیگه هم بیان قیلگنمیز و کیلهجکلرده اروپا بیرلیگی نینگ حمایتی دوام تاپیشینی جمهوریت ارزشلری نینگ سقلهنیشیگه مشروط قیلگن میز.»
اوتگن "شنبه" کونی افغانستان دولتی و طالبان گروهی آرهسیده بولگن یوزمهیوز سوزلشوولر باشلنگن بیر حالده، اروپا بیرلیگی نینگ تشقی سیاستلر بوییچه مسوولی بو بیاناتلرنی مطرح قیلگن.
تینچلیک سوزلشوولر باشلهنیشی اوچون یولگه قوییلگن مراسمده ملی مصالحه کینگشی باشلیغی عبدالله عبدالله جمهوریت، سوز ایرکینلیگی و عیاللر حقوقی سقلهنیشی اوستیگه تاکید قیلگن.
مذکور مراسمده طالبان نمایندهلیگیگه ملا عبدالغنی برادر صحبت قیلیب افغانستانده اسلامی نظام حاکم بولیشی اوستیگه تاکید قیلگن.
