افغانستان ملی مجلسی نینگ اعضالری، مملکت مالیه/ سالیق وزیرلیگیدن مالی بودجه نینگ بوتون قیینچلیکلرینی برطرف ایتیب تصدیق لهنیشی اوچون تیزلیکده پارلمانگه یوباریشنی سورگنلر. نمایندهلر مجلسی، 1396- ییل مالی بودجهسی تصدیق لنگن لیگیدن اون اوچ کون اوتماقده، لیکن مالیه وزیرلیگی هنوزگچه مسودهنی یوبارمگن دیگنلر.
مجلس نینگ مالی کمیسیون باشلیغی امیرخان یار، مملکت مالیه وزیرلیگیدن تیز آرهده بودجه متنینی مجلسگه یوباریشی اوستیده اورغولهگن. بودجه ده موجود قیینچیلیک کوتاریلمهگن حالده، مسوده ینه هم رد ایتیلشی امکاندن اوزاق ایمس دیدی امیرخان یار.
مملکت مالیه وزیرلیگی نینگ سوزلاووچیسی اجمل عبدالرحیمزی، بودجه نینگ متنی تیزلیکده نمایندهلر مجلسیگه یوباریلیشیدن سوز بیرگن. اونینگ سوزلریگه قرهگنده، ملی مجلس اعضالرینینگ بوتوغریدهگی تکلیفلر اساسی قانونگه موافق انابتگه آلینگن.
ییلیک درآمد انیق روشده نظرده توتیلمهگن لیگی، ینگی لایحهلرگه قرهگنده انتقالی لایحهلرنینگ کوپراق انباتگه آلینیشی، تخصیصی احتیاطی کودلرنینگ سانی آشیریلیشی، عامه منفعتلر همده قیشلاقلرنی رواجلنتیریش وزیرلیکلریده خیالی لایحهلر موجودلیگی، رواجلنمهگن ولایتلرگه مرکزی حکومت تامانیدن کمراق اعتبار بیریلیشی 1396- ییل ملی بودجهسی نینگ مهم کمچیلیکلریدن بولگنی مجلس اعضالری تامانیدن بیلدیریلگن.
