طالبان گروهی سوزلاوچیسی، جمهورلیک ریاست اورینباسرلری امرالله صالح و سرور دانش نینگ بیاناتلریگه عکسالعمل کورستگن.
طالبان گروهی سوزلاوچیسی ذبیحالله مجاهد نینگ ایتیشیچه، اوچ کوندن بویان افغانستان حکومتی نینگ اورینباسرلری تینچلیک پروسهسی و اسلامی امارت گه قرشی بیانات بیرهدی.
اوتگن کون کابل ده خلقارا تینچلیک کونیدن نشانلهش اوچون یولگه قوییلگن مراسمده، جمهورلیک ریاستی نینگ بیرینچی اورینباسری امرالله صالح، طالبان گروهی نینگ «بغاوتگر» بیر گروه دیگن ایدی.
او بیاناتی نینگ بیر بولیمیده ایتیشیچه، طالبان گروهی نینگ حاکمیتی زمانیده مینگلرچه قیز زوردن طالبان گروهی نینگ قومندانلری و جنگریلری گه نکاح قیلینگن.
جمهورلیک ریاست بیرینچی اورینباسری گه کوره، طالبان گروهی حاکمیت زمانیدن بویان عشر و ذکات بهانهسی بیلن مملکت اهالیسیدن باج آلهدی.
او طالبان نینگ افغانستان «عزتی و حرمتی» نی دنیا برابریده قویی کیلتیرگن بیر گروه دیگن.
طالبان گروهی سوزلاوچیسی، امرالله صالح نینگ بیاناتی گه عکسالعمل بیلدیریب ایتیشیچه، اسلامی تیزیم نینگ اوزینی بیر بیللی تعریفی بار و کابل حکومتی نینگ اورینباسرلری اونینگ توشونیب آلیش گه کوچسیز دیر.
شونینگدیک ایکی کون آلدین جمهورلیک ریاستی نینگ ایکینچی اورینباسری سرور دانش، محمدزایی و سدوزایی دورهلری نی اسلامی امارت بیلن مقایسه قیلیب و بو ایکی دوره روح و محتوا نقطهی نظردن طالبان گروهی نینگ اسلامی امارتی دن هیچ بیر فرقی یوق دیگن ایدی.
طالبان گروهی مذکور اعلامیه نینگ بیر بولیمیده کوپهیتیریشیچه، اسلامی امارت نینگ حاکمیتی زمانیده اسلامی حکملر شرعی مکلفیت اساسیده تطبیق ایتیلهدی ایدی.
طالبان گروهی نینگ اعلامیهسیده کیلیشیچه، هر کیم بو گروه نینگ اسلامی تیزیمی برابریگه قرشی توختتهگن بیرحالده، «خوار و ذلیل» بولیشی ممکن.
