افغانستان تینچلیگی بوییچه آمریکا خاص نمایندهسی زلمی خلیلزاد، آمریکا و طالبان گروهی آرسیدهگی سوزلشوولرنینگ 9- دوری یکونلنگنیدن خبر بیرگن.
خلیلزاد توییتر صحیفهسیده یازیشیچه، سوزلشوولرنینگ اوشبو دوری یکونلنگن و افغانستان حکومتی رسمیلری بیلن مصلحت قیلیش اوچون کابل گه کیلیشی ممکن.
جناب خلیلزاد گه کوره، آمریکا زوروانلیک نی کمهیتیرهدیگن و افغانستانده دایمی تینچلیک کیلیتیرهدیگن بیر کیلیشوو اوچون حرکت قیلماقده.
اونینگ کوپهیتیریشیچه: «بیزلر زوروانلیک نی کمهیتیرهدیگن و افغانلر ارا سوزلشوولرگه یول آچهدیگن بیر کیلیشوونینگ عرفهسیده میز و افغانلر عزتلی بیر تینچلیک و کوچلی بیر افغانستان کیم اوندن آمریکا، اونینگ متحدلری و باشقه هیچ بیر مملکت تهدید بولمهیشی خصوصیده صحبت اوتکزهدیلر.»
شو توغریده:
- آمریکا و طالبان نمایندهلری آرهسیده بولگن سوزلشوولرنینگ 9- دوری باشلندی
آمریکا و طالبان آرسیدهگی تینچلیک سوزلشوولرنی 8- دوری یکونلندی
شونینگدیک قطرده طالبلرنینگ سیاسی دفتری سوزلاوچیسی سهیل شاهین توییتر صحیفهسیده یازیشیچه، اوشبو گروه و آمریکا نمایندهلری آرهسیدگی سوزلشوولرنینگ 9- دوری موفقیتلیک بیلن یکونلندی.
آمریکا و طالبان گروهی آرسیدهگی سوزلشوولرنینگ 9- دوری 10 کون آلدین قطر پایتختی دوحهده باشلندی.
