افغانستان ایچکی ایشلر وزیرلیگی بیر ییلدن بویان امنیتی کوچلرنینگ صفیگه اصلاحات کیلتیریلگن لیگینی بیلدیردی. مذکور سعی وحرکتلر نتیجهسیده محلی پولیسنینگ 108 تهسی عدلی و قضایی ادارهلرگه تانیشتیریلگنی ایتیلهدی.
ایچکی ایشلر وزیرلیگی محلی پولیس عمومی ادارسینینگ باشلیغی علی شاه احمدزینینگ بوگون کابلده بیر خبری انجمنده ایتیشیچه، مذکور شخصلر قندوز، بغلان، فراه، کاپیسا، لوگر، ارزگان، پکتیا و کنر ولایتلریده انسان حق وحقوقلرینی آیاغ آستی قیلگنلیک همده بعضی بیر جرملرده قوللری بارلیگی سبب حبس گه آلینگنلر.
جناب احمدزی، چمهسی 1300 محلی پولیس خوفسیزلیگی تامین بولگن ولایتلردن تهیدگه روپهره بولگن ولایتلرگه یوباریلگن لیگینی ایتگن. اونگه کوره، مذکور برنامه 20 ولایتده عملگه آشیریلگن.
ایچکی ایشلر زویرلیگی محلی پولیس عمومی ادارهسی نینگ باشلیغی، یاشی 18 دن قویی همده 50 دن آرتیق بولگن کیشیلر پولیس صفلریدن چیقارگنلیک لرینی معلوم قیلگن.
شونینگدیک وزیرلیکنینگ امنیتی ایشلری بوییچه اورین باسری سالم احساس، اوروش میدانلریده محلی پولیس تلفات میزانی کمیگنلیگی بارهسیده خبر بیریشگن. خیالی محلی پولیس موجودلیگینی رد قیلگن جناب احساس، مذکور حربیلر مملکتنینگ 94% توپراغیده ییرلشگنلر دیدی.
ایتیلیشیچه، محلی پولیس مملکت نینگ 179 تومنی 6800 قیشلاغیده اوروش چیزیغیده ترورچیلککه قرشی کورهشهدی. اوشبو حربی کوچلر 1389- ییل دن بویان افغانستان ایچکی ایشلروزیرلیگینینگ چهار چوبهسیده فعالیت قیهلدی. شونینگدیک پنجشیر، بامیان، خوست و نیمروز ولایتلریدن باشقه بوتون افغانستانده ملی پولیس کوچلری یانیده محلی پولیس هم حربی فعالیت قیلیشی تیلگه آلینهدی.
بوندن آلدین بعضی بیر گزارشلرده؛ محلی پولیس بیلن ملی پولیس اورتهسیده هماهنگلیک یوق لیگی خبر قیلینگن ایدی. اوشبو گزارشلرده، محلی پولیس هر دایم اوز صلاحیتلرینی سوء استعمال قیلنگن لیگی اورغولنگن.
