اداری فسادگه قرشی کورهش ایرکین قوشمه کمیته «MEC» نینگ اوچ آیلیک گزارشیگه کوره، ساغلیقنی سقلش وزیرلیگی، مذکور کمیته تامانیدن اداری فساد آلدی آلینیشی خصوصیده بیریلگن بویورتمهلردن یالغیز 12 فایزینی عملگه آشیرگن.
شونینگدیک، اداری فسادگه قرشی کورهش قوشمه ایرکین کمیتهنینگ گزارشیگه قرهگنده، مخابرات و معلومات وزیرلیگی هم، اوشبو کمیته تامانیدن بیریلگن بویورتمهلرگه اونچهلیک دقت قیلمهگن.
اداری فسادگه قرشی کورهش ایرکین قوشمه کمیته «MEC» اوچ آیلیک گزارشیده، بویورتمهلر ساغلیقنی سقلش و مخابرات و معلومات وزیرلیکلری تامانیدن عملگه آشیریلمهگنی خصوصیده خواطر بیلدیرهدی.
پنجشنبه کون خبری بیر ییغینده نطق سوزلهگن اداری فسادگه قرشی کورهش ایرکین قوشمه کمیتهنینگ تیکشیرووچی و نظارت قیلووچی آمری غلام حسن رضایینینگ ایتیشیچه، ساغلیقنی سقلش وزیرلیگی، میلادی 2016- ییل جون آییده، مذکور ادارهنینگ 115 بویورتمهسیدن یالغیز 14 بویورمهنی بوتونلهی تطبیق ایتگن.
جناب رضاییگه کوره، ساغلیقنی سقلش وزیرلیگی، باشقه 63 بویورتمهنینگ بولیملری اوستیگه ایشلهگن، بیراق باشقه 40 بویورتمه توغریسیده هیچ بیر ایش قیلمه گن.
جناب رضایینینگ کوپهیتیریشیچه، ساغلیقنی سقلش وزیرلیگینینگ رسمیلری، اداری فساد آلدینی آلهدیگن بویورتمهلرنی بیرینچی رویخطده آلیشلریگه سوزبیرگن.
اداری فسادگه قرشی کورهش ایرکین قوشمه کمیتهنینگ اعضالریگه کوره، اهالی تامانیدن قیلینگن 120 شکایتگه تیکلش ساغلیقنی سقلش وزیرلیگینینگ اساسی ایشلریدن بیری سنلهدی.
اداری فسادگه قرشی کورهش ایرکین قوشمه کمیته، مخابرات و معلومات وزیرلیگینینگ ایشلرینی هم تیرگاوگه آلگن.
یولگه قوییلگن ییغینده نطق سوزلهگن اداری فسادگه قرشی کورهش ایرکین قوشمه کمیتهنینگ تیکشیرووچی آمری محمد فایز سهاکنینگ ایتیشیچه، مخابرات و معلومات وزیرلیگی اداری فسادگه قرشی کورهش لایحهلرنی عملگه آشیریشده ناکام قالگن.
دیمک، شفافیت کیلتیریش، درامدلر میزانی آشیشی، حکومتی خذمتلرنی برقی توزهتیش، اهالینی آگاهلنتیریش و ایشچیلرنی شایستهلیک اساسیده تعیین ایتیش، اداری فسادگه قرشی کورهش خصوصیده مخابرات وزیرلیگینینگ بیرینچی ایشلریدن بولگن.
جناب سهاکگه کوره، تلیفون کارتلریدن 10 فایز سالیق توپلشده هیچ قندهی تونیقلیک کورینمهیدی.
جناب سهاکنینگ کوپهیتیریشیچه، اداری فساد آلدی آلینیشی خصوصیده ناقانونی سیم باکسلرنی تانیش مخابرات وزیرلیگینینگ بیرینچی ایشلریدن ایدی، سونگی اوچ آی جریانیده مملکتده 19 ناقانونی سیم باکس تانیلگن.
اداری فسادگه قرشی کورهش ایرکین قوشمه کمیته مسؤوللری، مخابرات و معلومات وزیرلیگیده شکایتلرگه تیکلش سیستم ایجاد ایتیلیشینی اداری فساد آلدی آلینیشی خصوصیده، مذکور وزیرلیکنینگ اساسی یوتوقلریدن بیری دیب بیلهدی.
