بلخ ولایت حاکملیگیدن چیکلنتیریلگن عطامحمد نور، کینگ ناراضیلیک نمایش یولگه قوییلیشیدن آگاهلنتیردی. بوگون طرفدارلرینینگ حضوریده نطق سوزلهگن جناب نورنینگ ایتیشیچه، جاری آینینگ سونگی 3 کونیده مملکتنینگ 15 ولایتیده کینگ ناراضیلیک نمایش یولگه قوییلیشی ممکن.
اوشبو قرار، برقی کیملیکلر ترقهتیلیشی، اساسی قانونگه قیته تیکلهنیشی توغریسیده بویوکلر جرگهسی یولگه قوییلیشی اوچون وقت تعیین ایتیلیشی و ملی کینگش سیلاویده سیاسی حزبلرگه سهم بیریش سوزلشوولری جمعیت حزبی و ارگ آرهسیده نتیجهسیز قالگن بیرچاغده آلیندی. جناب نورنینگ ایتیشیچه، بو ناراضیلیک نمایش ملت تقدیرینی تعیین قیلیب و «ارگدهگیلرنینگ بویینی توغیرلهیدی.»
بلخ ولایتیدن چیکلنتیریلگن حاکمنینگ ایتیشیچه، اوشبو اوچ کون جریانیده 9 شمالی ولایت و کابل اطرافیدهگی ولایتلردن توپلنهدیگن 10 مینگدن آرتیق موتر بیلن مرکزگه باریب و افغانستان تقویمیده کته بیر تاریخی حرکتنی رویخطگه بیرهدی.
نور، اوشبو حرکت خوفسیزلیگی تأمینلنیشیگه اشاره قیلیب ایتیشیچه، جدی امنیتی تدبیر و کابل قتناو یولیده کیچیک یوللرنی باغلب و ناراضیلیک نمایشنی برهم اوروش اوچون کیمسه گه رخصت بیرمهیدی.
جمهور رییس غنی، کمیده بیر یریم آی آلدین، ایلگریدن جمهورلیک ریاستی گه تاپشیریلگن عطامحمد نورنینگ استعفاسینی تصدیقلهدی، بیراق جناب نور، ارگنینگ قراریگه قرشیلیک بیلدیریب ایتیشیچه، استعفاسینی ارگ بیلن مذاکره قیلگن زمانده تاپشیرگن و بو مذاکره نتیجهسیز قالگنی اوچون، استعفاسینی هم اعتباری یوق دیر.
