جمهور رئیس محمداشرف غنینینگ ایتیشیچه، ناقانونی قوراللی گروهلرگه قرشی کورهش بوتون یشاوچیلرنینگ ایستهگی دیر.
جمهور رئیسنینگ کوپهیتیریشیچه، میدیالرده ترقهتیلگن ویدیو اساسیده، قیصارینینگ قوروقچیلری برابریده امنیتی کوچلرنینگ ناقانونی حرکتی و پکتیا بیلن ننگرهار ولایتلریده تینچ اهالی قربانلیگی توغریسیده بولگن ادعالر تیکشیریلیشی اوچون ایریم بولیملرگه بویروغ بیرگن و تیکشیرووچیلر بو موضوعلر توغریسیده اونگه گزارش بیرهدی.
جناب غنی نینگ اورغولشیچه، برچه امنیتی و مدافعه کوچلری قانون و خلق برابریده جواب بیریش اوچون مسؤول دیر.
جمهور رئیس نینگ کوپهیتیریشیچه، قانون حاکملیگی، تینچلیک و نظام کوچلنتریلیشی توغریسیده ملی اجماع بار و ارزگان، فراه، و فاریاب ولایتلریده ناقانونی قوراللی کیشیلرگه قرشی کورهش اوچون اویوشتیریلگن عملیات خلقنینگ ایستهگی اساسیده بولگن.
امنیتی کوچلرنینگ سوزلری اساسیده، سونگی کونلرده مملکتنینگ خوفسیزلیک و مدافعه کوچلرینینگ اویوشتیرگن عملیاتلری نتیجهسیده، ارزگان، فراه و فاریاب ولایتیده نیچه ناقانونی قوراللی گروه قولگه آلینگن.
اوشبو قولگه آلینگن کیشیلرنینگ آرهسیده، جمهورلیک ریاستی بیرینچی اورین باسرینینگ فاریاب دهگی خاص نماینده و مردمی کوچلرنینگ قومندانی نظام الدین قیصاری هم موجود دیر و بو موضوع مملکت ده بیر قطار سیاسی جریانلر، شمال و شمال شرق اهالیسینینگ قرشیلیکلریگه روپهرو بولدی.
بیر قطار ولایتلرنینگ اعتراضچیلری، سیلاولر ایرکین کمیسیونی و باشقه دولتی ادارهلرنینگ دروازهلرینی باغلهگنلر.
عین حالده، دولت رسمیلری اوشبو موضوع نی سوزلشوو ارا حل ایتیشگه حرکت قیلماقدهلر؛ بیراق بو سوزلشوولر حاضرگچه هیچ قندهی ایجابی نتیجه بیرمهگن.
