بوگون دوشنبه نمایندهلر کینگشینینگ عمومی ییغینیده، کینگش اعضالریدن بیرقطاری، ینه بیر مرته جمهور رییسدن تیزلیکده برچه نامزد وزیرلرنی ایشانچ آواز قولگه کیریتیشلری اوچون نمایندهلر کینگشیگه تانیشتیریب و سرپرستلیک فرهنگیگه نقطه قوییشینی سورهگنلر.
حکومت حاضرگهقدر، مدافعه، کانلر و اجتماعی ایشلر نامزد وزیرلرینی نمایندهلر کینگشیگه تانیشتیرگن.
بیراق، نمایندهلر کینگشی اعضالرینینگ ایتیشیچه، برچه نامزد وزیرلر تانیشتیریلگونگهقدر، آواز آلیش موضوعی کون ترتیبیده آلینمهیدی.
نمایندهلر کینگشی اعضاسی قیوم سجادینینگ ایتیشیچه، حکومت تامانیدن برچه نامزد وزیرلر تانیشتیریلمهگن صورتده، ینگی تانیشتیریلگن نامزد وزیرلرگه ایشانچ آواز بیریش موضوعی نمایندهلر کینگشینینگ کوندهلیک رویخطیده آلینمهیدی.
نمایندهلر کینگشی باشلیغی عبدالرووف ابراهیمینینگ ایتیشیچه، وزیرلیکلرده سرپرستلیک دوامی قانونگه قرشی دیر و حکومت تیزلیکده بو ایشگه نقطه قوییشی کیرهک.
جناب ابراهیمیگه کوره، باشلیغلر کمیتهسینینگ قراری اساسیده، حکومت تامانیدن برچه نامزد وزیرلر تانیشتیریلمهگن صورتده، ینگی تانیشتیریلگن نامزد وزیرلرگه ایشانچ آواز بیریش موضوعی نمایندهلر کینگشینینگ کون ترتیبیده آلینمهیدی و ینگی تانیشتیریلگن نامزد وزیرلرگه ایشانچ آواز بیریلمهیدی.
عین حالده، نیچه ریاست و 12 وزیرلیک کوپ مدتدن بویان سرپرستلر تامانیدن اداره بولهدی. بیراق جمهورلیک ریاستی سوزلاوچیسینینگ ایتیشیچه، سرپرست وزیرلر توغریسیدهگی بحث یکونلنگن و نامزد وزیرلر تیزلیکده نمایندهلر کینگشیگه تانیشتیریلیشی ممکن.
