سیلاولر شکایتلرینی تینگلش کمیسیونینینگ قراری اساسیده، سیلاو نامزدلرینینگ سونگی رویخطیدن ناقانونی قوراللی گروهلرنینگ اعضالری و قومندانلری چیقاریلهدی. سیلاولر شکایتلرینی تینگلش کمیسیونی، بو قرارنی سیلاو قانونینینگ 44- مادهسی و 2- فقرهسی اساسیده آلگن.
اوشبو قانون اساسیده، مدافعه، ایچکی ایشلر وزیرلیکلری و ملی خوفسیزلیک عمومی ریاستی نمایندهلریدن تشکیل ایتیلگن کمیسیون، سیلاولر شکایتلرینی تینگلش کمیسیونینینگ ریاستیده سیلاو نامزدلرینینگ حجتلرینی تیکشیریش گه مسؤول دیر. مذکور کمیسیون ناقانونی قوراللی گروهلرنینگ قومندانلری و یا-ده اعضالرینی سیلاو نامزدلرینینگ سونگی رویخطیدن چیقارهدی.
سیلاولر شکایتلرینی تینگلش کمیسیون و «ناقانونی قوراللی گروهلرنینگ قومندانلری و اعضالرینی تیکشیریش کمیسیون» باشلیغی عبدالعزیز آریایی نینگ ایتیشیچه، مذکور کمیسیون قوراللی گروهلرنینگ اعضالرینی تیکشیریش ریجهسینی تیارلگن و اونگه اساس، ناتینچلیک، جنایی جرملر، مخدره ماده قاچاقی، دولت و اهالی دراییسینی غصب قیلگن و انسان حقلرینی نقض قیلگن کیشیلرنی کاندیدلرنینگ سونگی رویخطیدن چیقاریشلری ممکن.
جناب آریایی گه کوره، ناقانونی قوراللی فعالیتلر باعث، رویخطدن چیقاریلگن کیشیلر شکایت قیله آلهدی و قانیقرلی جواب بیره آلگن صورتده، اولرنینگ توغریسیده قیته تیکلنهدی.
آریایی کیمسه دن آت توتمهگن؛ بیراق کورینیشیچه، او نمایندهلر کینگشینینگ حاضرگی اعضالریدن بیرقطاریگه اشاره قیلگن.
بیراق، افغانستانده عدالتلی و ایرکین سیلاو مؤسسهسی (فیفا) اجراییه باشلیغی یوسف رشیدنینگ ایتیشیچه، افغانستانده ساخته حجت توزهتیش قیین ایش ایمس و تجربه گه کوره، آچیق شکلده قوراللی فعالیتلرده قولی بولگن کیشیلر حکومتی ادارهلردن «قوراللی فعالیت قیلمهگن» حجتینی قولگه کیریتگنلر.
رشیدنینگ ایشانچی گه کوره، کیشیلرگه قرشی دستهبندلیک بولگن حجت یوقلیگی، قوراللی گروهلرنینگ اعضالری تیکشیریلیشینی قیین قیلگن.
یوسف رشیدنینگ ایتیشیچه، کیشیلر توغریسیده سیلاولرنی نظارت قیلووچی ادارهلرنینگ کوزیدن اوزاق قرار آلیشنی اوزی کته بیر قیینچیلیک سنلهدی.
شکایتلرنی قولگه کیریتیب و تینگلش
سیلاولر تقویمی اساسیده، سیلاو نامزدلرینینگ دستلبکی رویخطی توغریسیده اعتراضلر رویخطگه آلینیشی سرطان آیینینگ 7 سیدن 9 گچه و اعتراضلرگه تینگلش سرطان نینگ 9 دن 11 گچه مشخص بولگن؛ بیراق سیلاو رویخطی اعلان ایتیلیشی آرتده قالیشی بو تاریخلرنی هم آرتده قالدیرگن.
عین حالده، سیلاولر شکایتلرینی تینگلش کمیسیون باشلیغی عبدالعزیز آریایینینگ ایتیشیچه، مملکتنینگ 34 ولایتیده مذکور کمیسیوننینگ ولایتی دفترلری شکایتلرنی رویخطگه آلیش اوچون فعال دیر و نمایندهلر کینگشی سیلاو نامزدلرینینگ دستلبکی رویخطیگه نسبتن اعتراض بیلدیرگن کیشیلر، مذکور کمیسیوننینگ دفترلریگه مراجعت قیلیب و اعتراضلرینی رویخطگه بیره آلهدی.
سیلاولر شکایتلرینی تینگلش کمیسیون باشلیغینینگ کوپهیتیریشیچه، مذکور کمیسیوننینگ دبیرخانه باشلیغی و ولایتی کمیشنرلری تانیشتیریلیب و تعیین ایتیلمهگنی سبب، مذکور کمیسیون ولایتی کمیسیونلرنینگ مسؤولیتلرینی آلیب و نامزدلرنینگ شکایتلرینی تینگلهیدی.
