مزارشریف شهریده سابق جهادی قومندانلریدن بیری مارشال محمدقسیم فهیم نینگ اولیمیدن نشانلش مراسمده جمهورلیک ریاستی سیلاوینینگ نامزدی محمدحنیف اتمر و اسلامی جمعیت حزبینینگ اجراییه باشلیغی عطامحمد نورنینگ ایتیشیچه، 1- جوزا ده محمداشرف غنی نینگ جمهورلیک ریاستی دورهسی یکونلنهدی و بو کوندن سونگ، وقتینچهلیک یا-ده سرپرست حکومت وجودگه کیلیشی کیرهک.
عطامحمد نورنینگ ایتیشیچه، 1- جوزا دن سونگ، اشرف غنی گه بیر کون هم جمهورلیک ریاستی مقامیده قالیشگه رخصت بیرمهیدیلر.
شونینگدیک، جمهورلیک ریاستی سیلاوی نینگ نامزدی محمدحنیف اتمر، 1- جوزا دن سونگ، وقتینچهلیک یا-ده سرپرست حکومت تشکیل ایتیلیشی اوستیگه تأکید قیلهدی.
اونینگ کوپهیتیریشیچه، بیزلر قدرت گه بوشلیک کیلتیریشنی ایستمهیمیز؛ بلکیم تینچلیک کیلتیرهدیگن و صداقت بیلن سیلاونی یولگه قویهدیگن حکومت ایستهمیز.
شو توغریده…
دانش: سیلاو آرتده قالدیریلگن صورتده، دولت قوریش لایحهسی توختهلیشی ممکن
اجراییه ریاستی: سیلاولر تنیق شکلده یولگه قوییلیشی ممکن
شونینگدیک، محمدحنیف اتمر، محمدیونس قانونی و عطامحمد نور، تینچلیک لایحهسیدن حمایت قیلیشلریگه علاوه، بو جریانده اساسی قانون گه قیتهتیکلنیشی و توزوم اوزگریشینی قبول قیلینمس بیلیب و سونگی 18 ییل یوتوقلری سقلهنیشی اوستیگه تأکید قیلگنلر.
عین حالده، جمهورلیک ریاستی سوزلاوچیسینینگ اورین باسری شاهحسین مرتضوی، بلخ ده اوتکزیلگن ییغینده بیان ایتیلگن سوزلرگه اشاره قیلمسدن بو ییغیننی سیلاودن آلدین کمپاین دیگن.
شوندهی بیرحالده، جمهور رئیس غنی نینگ سیاسی مخالفلری، اونینگ نیچه مرته سیلاودن آلدین کمپاین قیلیش گه عیبلگن.
