ناتو تشکیلاتی نینگ باش کاتبی ینس استولتنبرگ بیر اعلامیه نشر قیلیب اعلان قیلیشیچه، پاکستان بوییچه ایتالیانینگ سابق ایلچیسی ستیفانو پونتیکورو، افغانستانده ناتو تشکیلاتی نینگ ینگی ملکی نمایندهسی صفتیده تعیین ایتیلگن.
ستیفانو پونتیکورو وظیفهسینی افغانستانده 1- جون ده باشلهیدی. او، کابل ده ناتو تشکیلاتی نینگ سابق ملکی نمایندهسی نیکلاس کی نینگ اورنی گه تعیین بولگن.
ناتو باش کاتبی نینگ بیانیهسیده کیلیشیچه، ایتالیالیک اوشبو سابق دیپلومات نینگ افغانستان و منطقه توغریسیده یخشی تجربهسی بولگن.
جناب استولتنبرگ نینگ بیانیهسیده افغانستان امنیتی ناتو تشکیلاتی گه اعضا مملکتلرنینگ امنیتی اوچون جوده هم اونملی دییلگن و اونینگ ایتیشیچه، اوشبو تشکیلات نینگ اعضاسی افغانستان نینگ امنیتی خصوصیده، ارادهلی دیر.
شونینگدیک، ناتو تشکیلاتیده ایتالیا نمایندهسی نینگ ایتیشیچه، پونتیکورو نینگ منطقه توغریسیده معلوماتی کوپ دیر و شو یوزهدن افغانستاندهگی یوتوقلر سقلهنیشی اونینگ رولی اونملی بولهدی.
نیکلاس کی، قویاش 1397- ییل نینگ آخرلریده افغانستانده ناتو تشکیلاتی نینگ ملکی نمایندهسی صفتیده تعیین ایتیلگن ایدی و اوتگن هفته مأموریتی یکونلندی.
