تینچلیک عالی کینگشینینگ باشلیغی محمدکریم خلیلینینگ ایتیشیچه، حاضرگهقدر طالبان گروهی بیلن یوزمه یوز مذاکره قیلینمهگن؛ بیراق یوزمه یوز مذاکره قیلینیشی خصوصیده امیدوارلیک بیلدیرگن.
عینحالده، چیتایللیک مدیالردن قطاری افغانستان حکومتینینگ طالبان نمایندهلری بیلن سعودی عربستانده مذاکره قیلگنیدن خبر بیریب و اوشبو مذاکرهگه سیلاو خوفسیزلیگی و بو گروه اعضالرینینگ قمرودن قوییب یوباریلیشی خصوصیده صحبت قیلینگنینی بیلدیرگنلر.
تینچلیک عالی کینگشینینگ باشلیغی، طالبان گروهی بیلن یوزمه یوز مذاکره صورت تاپگنینی ناتوغری دیگن؛ بیراق حکومت و طالبان گروهی آرهسیده بولگن اعتماد سیزلیکلر کمهیگنینی بیلدیرگن.
خلیلی گه کوره، اوشبو مذاکرهنینگ باشلهنیشیگه تینچلیک عالی کینگشی امیدوار دیر.
عینحالده، طالبان سوزلاوچیسی ذبیحالله مجاهدنینگ بو گزارشنی رد قیلیب ایتیشیچه، اوشبو گروه نمایندهلری و افغانستان حکومتی آرهسیده هیچقندی مذاکره صورت تاپمهگن.
افغانستان حکومتی طالبان گروهینی تینچلیک مذاکرهسیگه تارتیش اوچون کوپینچه سعی و حرکت قیلگن؛ بیراق طالبان گروهی حاضرگهقدر حکومتگه مثبت جواب قیترمهگن.
