افغانستان ایرکین اوی تشکیلاتی اوزینینگ ینگیدن اورگنگن سوراوی نتیجهسیده ملی بیرلیک حکومتی تشقی سیاستده سابق حکومتدن کوره یخشی عمل قیلگن لیگی قید ایتیلگن.
«تشقی سیاست، اوروش و یرهش، اقتصادی آستقورمه رواجلهنیشی و حاضرگی حکومت بیلن سابق حکومت نینگ قیلمیشی» نامی آستیده تیارلگن سوراونینگ نتیجهسی بوگون اعلان قیلیندی.
سوراوده اشتراک قیلگنلردن 42 فایری حاضرگی حکومتنینگ تشقی سیاستلری حامدکرزی سیاستلریدن کوره یخشی ایکن لیگینی ایتگنلر. شونینگدیک اداری فسادگه قرشی کورهش بولیمیده سابق حکومتگه قرهگنده حاضرگی حکومت 32 فایز یامان یونلشیگه کیتگن دیگن فکر بیرگنلر. عین حالده، سوراوده فکر بیرگنلر شایسته سالارلیکده ملی بیرلیک حکمتی 36فایز ایجابی ایش قیلگن لیگینی ایتگنلر.
یرهش و اوروش بولیمیده ا یسه فکر بیرگنلردن 77فایزی دولت قوراللی مخالفلریگه نسبتن آلیب باریله دیگن اروشده افغان ملی کوچلری فعالیتینی ایجابی بهالب و45 فایز ایسه افغانستان حکومتی بیلن گلبدین حکمتیار اورتهسیده امضا چیکیلگن شرطنامهگه مخالفت کورستگنلر.
شونینگدیک حساباتده، ملی بیرلیک حکومتی نینگ اسلامی دولتلر بیلن اوز ارا آلیب بارهجک سیاستی خوش قرشیلنگن. سوراقلرگه جواب بیرگنلردن ایسه 60فایزی مملکت منفعتی تامین بولیشی اوچون ملی بیرلیک حکومتی اسلامی دولتلر بیلن اوز ارا علاقهسینی ایجابی دیگنلر. عین حالده، سوراوده فکر بیرگنلردن 55 فایزی افغانستان حکومتی نینگ اروپا اتفاقیگه نسبتن ایلگری سورگن سیاسیتینی موفقیتلی دیدیلر.
63 فایز اشتراکچیلر پاکستان بیلن اوز ارا منفعتلرنی تامین قیلیشده ملی بیرلیک حکومتی نینگ سیاستی نتیجهسیز دیدیلر. 41فایز ایسه ایران بیلن آلیب باریله دیگن سیاستدن خوشبینلیک کورستگن. لیکن 18.2فایز ایسه کابل – تهران سیاستینی اونچهلیک نتجهلی ایمس دیگنلر. 18 فایز ایسه هند، 66 چین و 41 فایز روسیه بیلن سیاست اوز ارا علاقهلرنی ایجابی دیگنلر.
اوشبو سوراونینگ قولگه کیریتگن حساباتیده، افغانستان ملی بیرلیک حکومتی عدلی و قضایی و فسادگه قرشی کورهش بولیمده اهالی کوتگن درجهده موفقیتگه ایریشمهگن.
اوشبو فکر اورگهنیش نتیجهسیده قولگه کیریتیلگن حساباتگه قره گنده افغانستان خلقی نینگ کته قسمی مملکتدهگی آستقورمه لایحهلرگه نسبتن خوشبینلیکلری کوپراق.
تجارت، خصوصی سرمایه یاتقیزوچیلرنی جذب قیلیش، سلما بندی فایدهلهنیشی و بروکسل ییغینده مالی همکارلیکلرنی جلب قیلیش اقتصاد ساحهسیده حکومت نینگ موفقیتی سنهلهدی.
سوراوده اشتراک قیلگنلر نینگ 69.1 فایزی30 دن 18 و 22.9 فایز ایسه 30 یاشدن 50یاشنی تولدیرگنلر.
افغانستان ایرکین اوی فکر اورگهنیش سوارویده 3011 کیشی کابل، بلخ، هرات، قندهار، جلال آباد و بامیان ولایتلریده فکر بیرگنلر. سوراوده قتنشگنلرنینگ 59فایزی ایرککلر و 40.9 فایزی ایسه خاتین – قیزلر.
