مملکت حقوقدانلریدن بیرقطاری، جمهور رئیس تامانیدن رسمیلر چیکلنتیریلیب و تعیین ایتیلیشینی ناقانونی بیلیب ایتیشیچه، جمهور رئیس نینگ ایش دورهسی 1- جوزا دن سونگ یکونلنگن و شو یوزهدن حکومت دولتی ادارهلرده تغییرات کیلتیرمهسی کیرهک.
اولرگه کوره، جمهور رئیس غنی تامانیدن رسمیلر ایشدن آلینیب و تعیین ایتیلیشی سیاسی و حقوقی نقطهی نظردن ناتوغری دیر.
جمهور رئیس غنی سونگی کونلرده حکومتی رسمیلرنی ایشدن آلیب و تعیین ایتیشلرگه قول اورماقده؛ لیکن بو حرکت جمهورلیک ریاستی نامزدلری و سیاستچیلر تامانیدن جمهور رئیس غنی آرقهلی دولتی امکانیتلردن سیلاو کمپاینی اوچون سوءاستعمال قیلیش دییلگن.
مملکت حقوقی ایش بیلرمانلریدن بیری محمدسبحان مصباح نینگ ایتیشیچه، 1- جوزا دن سونگ جمهور رئیس غنی نینگ ایشینی دوامی قانونی بولمهی و اساسی قانون گه قرشی دیر.
جناب مصباح گه کوره، سیاسی و اداری نقطهی نظردن بوندهی عمللر حکومت تشکیلاتی گه زیان ییتکیزهدی و جمهورلیک ریاستی سیلاوی نتیجهسی اوستیگه سلبی تأثیر قویهدی.
بیراق، بیلیم یورت استادی شهباز، حکومت تشکیلاتیده تغییرات کیلتیریشنی جمهور رئیس نینگ صلاحیتلریدن دییدی.
عین حالده، ملی بیرلیک حکومت اجراییه باشلیغی عبدالله عبدالله، سونگی کونلرده جمهور رئیس تامانیدن رسمیلر ایشدن آلینیب و تعیین ایتیلیشلریدن تنقید قیلیب ایتیشیچه، بو توغریده او بیلن مصلحت قیلینمهگن.
