آمریکا کنگرهسی، افغانستان تینچلیک لایحهسی بوییچه مذکور مملکت تشقی ایشلر وزیرلیگی نینگ خاص نمایندهسی زلمی خلیلزاد دن طالبان بیلن بولگن تینچلیک کیلیشووی توغریسیده معلومات بیریشینی طلب قیلدی.
آمریکا کنگرهسی نینگ تشقی ایشلر کمیتهسینی باشلیغی الیوت اینگل، بیر نامه آرقهلی زلمی خلیلزاد دن مذکور کمیته نینگ ییغینیده تشریف بویوریب آمریکا و طالبان آرهسیدهگی تینچلیک کیلیشووی توغریسیده کنگره و آمریکا اهالیسی گه معلومات بیریشی نی سورهگن.
اوشبو نامه ده ایتیلیشیچه، آمریکا کنگرهسی بو مملکت افغانستاندن چیکیلیش کیلیشووی اوچون ایمس، بلکیم تینچلیک کیلیشوونامهسینی افغانستانده امضاءلهشی توغریسیده ایشانچ قولگه کیریتیشینی ایستهیدی.
بوگون «جمعه، 15- سنبله» آمریکا میدیالری گه ییتیشگن جناب اینگل نینگ نامهسیده، آمریکا تشقی ایشلر وزیرلیگیدن زلمی خلیلزادنینگ چیقیریلیشی برابریده توسیق ایجاد قیلمهی و اونینگ تینچلیک کیلیشوونامهسی توغریسیده معلومات بیریش اوچون کنگره نینگ تشقی ایشلر بوییچه کمیتهسی گه یوباریشینی طلب قیلگن.
اونینگ ایتیشیچه، زلمی خلیلزاد طالبان بیلن بولگن تینچلیک کیلیشوونامهسی توغریسیده معلومات بیریش گه حاضر بولمهگن صورتده، اونینگ رسمی شکلده چقیریشی ممکن.
اوشبو نامه ده ایتیلیشیچه، بوندن آلدین هم آمریکا کنگرهسی نینگ تشقی ایشلر کمیتهسی ایکی مرته جناب خلیلزادنینگ کمیته ییغینیده چقیرگن، بیراق او، بو ییغینلردن هیچ بیریده حاضر بولمهگن.
اوتگن کون آمریکا تایم ژورنالی نینگ گزارشی گه کوره، آمریکا تشقی ایشلر وزیری مایک پومپئو، آمریکا و طالبان آرهسیده بولگن تینچلیک کیلیشوونامهنی امضاءلش دن باش تارتگن.
عین حالده، ایکی کون آلدین افغانستان حکومتی هم آمریکا بیلن طالبان نینگ کیلیشوونامهسی توغریسیده معلومات بیریلیشینی طلب قیلگن ایدی. جمهورلیک ریاست سرایی نینگ ایتیشیچه، آمریکا و طالبان آرهسیدهگی کیلیشوونامه نینگ نتیجهلریدن خواطرده دیر.
شو توغریده…
تایم ژورنالی: پومپئو آمریکا و طالبان کیلیشوونامهسینی امضاء قیلمهدی
