پگواش ییغینی کیلگوسی هفته افغانستان حکومتی و پاکستان دولتی نمایندهلری اشتراکیده اوتکزیلیشی کوتیلهدی. اسلام آباد ده اوتکزیله دیگن ییغین نینگ اصلی موضوعی افغانستان تینچلیک مراسهسی گه بغیشلنگن.
اما، مملکت عالی تینچلیک کینگشی نینگ رسمیلری، قوراللی طالبلر افغانستان حکومتی بیلن تینچلیک مذاکرهگه اولتیرمهگن حالده، بوندهی مذاکرهلرنی اوتکزیش افغانستانده تینچلیک تامین بولیشی اوچون هیچ قندهی تاثیری یوق دیگنلر.
رسمیلر، طالبان تینچلیک مذاکرهگه اولدیریشده حاضر ایمس دیدیلر. مادامیکه، بو گروه سیاسی باسیم آستیگه آلینمهگن تقدیرده بو گروه تینچلیک مذاکرهسیگه اولتیریشی ممکن ایمس لیگی ایتیلهدی.
افغانستان عالی تینچلیک کینگشی نینگ اورین باسری عطاالرحمن سلیم سلاموطندارگه بیرگن صحبتده، جنگری طالبلر اورتهگه کیلگندن بیری هیچ بیر زمان تینچلیک مراسهگه اوتیش اوچون هیچ قندهی بیر برنامهسی بولمهگن.
پگواش ییغینده فاروق وردک، انورالحق احدی، ضیاالحق امرخیل، روح الله وکیل، خلیل الله صافی و باشقه بیر قطار سیاسی سیمالر افغانستان حکومتی نمایندهلیگیده اشتراک قیلیشی کوتیلهدی.
شونینگ پاکستان نینگ سابق افغانساندهگی ایلیچیسی رستم شاه مهمند، آی، اس، آی سابق ادارهسی باشلیغی اسلام آباد نمایندهلیگیده بو ییغینده قتنشه دیگنلردن ایکنی ایتیلهدی.
بوندن آلدین هم افغانستان حکومتی بیلن طالبلر اورتهسیده تینچلیک مذاکره اوتکزیش اوچون پگواش ییغینی قطر، عرب امرلیگی، فرانسه و باشقه بیر قنچه مملکتلرده اوتکزیلگن ایدی. عین حالده، سیاسی تحلیلچیلر حاضرگه قدر اوتکزیلگن پگواش ییغینی افغنستانده بر قرارلیکنی اورنهتیش اوچون هیچ قندهی تاثیری بولمهگن دیگنیلر.
