بوگون "دوشنبه" مملکت تشقی ایشلر وزیرلیگی نینگ بیر خبرنامه آرقهلی اعلان قیلیشیچه، تشقی ایشلر وزیرلیگی سرپرستی محمدحنیف اتمر، پاکستان تشقی ایشلر وزیرلیگی اورین باسری سهیل محمود بیلن کابلده اوچرهشیب و صحبت اوتکزگن.
پاکستان تشقی ایشلر وزیرلیگی نینگ اورین باسری «تینچلیک خصوصیده افغانستان-پاکستان نینگ برنامهسینی عملگه آشیریش» دورهیی ییغینده اشتراک قیلیش مقصد ده کابلگه کیلگن.
اوشبو اوچرهشووده پاکستان تشقی ایشلر وزیرلیگی اورین باسری سهیل محمود، اوز مملکت نینگ ایکی تامانلمه رابطهلر کینگییشی خصوصیده ارادهسی بولگنیدن خبر بیریب و شونینگدیک، پاکستان دولتی افغانستانلیکلر رهبرلیگیگه بولگن تینچلیک جریانیدن حمایت قیلهدی دیگن.
تشقی ایشلر وزیرلیگی نینگ خبرنامهسیده ایتیلیشیچه، اوشبو اوچرهشووده جناب اتمر چیگره او تامانیدن راکت اوقی آتیلیشی توختهتیلیشینی سورهب و شونینگدیک، افغانستان و پاکستان چیگرهسیده پاکستان حربیلری تامانیدن تاسیسات قوریلیش جریانی توختهتیلیشی اوستیگه تاکید قیلگن.
خبرنامهده کوپهیتیریلیشیچه، مملکت تشقی ایشلر وزیرلیگی اوشبو اوچرهشووده کابل و اسلامآباد آرهسیده حربی و امنیتی یاردملر کوپهیشی اوستیگه تاکید قیلیب و افغانستان دولتی نینگ ایکی تامانلمه رابطهلر یخشیلنیشی خصوصیده پاکستان هیاتی بیلن صحبت اوتکرگن.
تشقی یاشلر وزیرلیگی سرپرستی نینگ اوشبو اوچرهشووده ایتیشیچه، افغانستان دولتی پاکستانده بولگن مهاجرلرنی اوز ایستکلریگه قیتیب کیلیشلری اوچون اوزن مدتلی ریجهلر اوستیگه ایش لهیدی.
ایتیشکیرهک کیم «تینچلیک خصوصیده افغانستان-پاکستان برنامهسینی عملگه آشیریش» ایکینچی ییغین بوگون "دوشنبه" افغانستان تشقی ایشلر وزیرلیگی اورین باسری میرویس ناب و پاکستان تشقی ایشلر وزیرلیگی اورین باسری سهیل محمود ریاستیگه افغانستان تشقی ایشلر وزیرلیگیده یولگه قویلهدی.
