سمنگان ولایتی اوچون ارگ تامانیدن ینگیلیکده حاکم قیلیب تعیینلنگن عبداللطیف ابراهیمی، اسلامی حزب و جمعیت حزبی قوراللیلرینینگ حضوریده مذکور ولایتنینگ حاکمی صفتیده تانیشتیریلدی.
سلاموطندارگه صحبت بیرگن محلی ارگانلر ادارهسی پالیسی اورین باسری تیمور شاراننینگ ایتیشیچه، عبدالکریم خدام حکومت و جمعیت حزبینینگ کیلیشووی اساسیده، مقامیدن چیکلنگن.
حکومت، سمنگان ولایت حاکملیگینینگ اورین باسرلیگی، تینچلیک عالی کینگشینینگ اورین باسرلیگی و سویدن بوییچه افغانستان ایلچیلیگی بدلیده جمعیت حزبی بیلن کیلیشگن.
سمنگان ولایت مقامینینگ اورین باسرلیگی قیتهدن ضیاءالدین ضیاء گه تاپشیریلدی، عبدالرکیم خدام تینچلیک عالی کینگشینینگ اورین باسری و جمعیت حزبینینگ سیمالریدن باشقه بیری سویدن ایلچیسی صفتیده تانیشتیریلگن.
امنیتی کوچلرنینگ یانیده اسلامی حزب و جمعیت حزبی گه تیگیشلی کوپینچه ناقانونی قوراللیلر هم موجود ایکن.
اوتگن کون سمنگان ولایت مقامیدن چیکلنتیریلگن حاکم عبدالکریم خدامنینگ آگاهلنتیریلیشیچه، جمعیت حزبی موافقت بیلدیرمهگن صورتده، مقامیدن چیکلنمهیدی و شونینگدیک، ساعت اوتگنیدن سونگ، جمعیت حزبی بیر اعلامیه ترقهتیب جمهورلیک ریاستینینگ قرارینی بیر تامانلمه دیگن.
اعلامیهده کیلیشیچه، افغانستان اسلامی جمعیت حزبی ملی بیرلیک حکومتینینگ تشکیلیگه حصه قوشگن اساسی تامانلردن بیری دیر و سمنگان حاکمی چیکلنتیریلیشی توغریسیده بیریلگن بویروغ مملکتده قرهمه قرشیلیکلر کوپهییشی اوچون باشقه بیر آدیم سنلهدی.
