افغانستان جمهور باشلیغی محمداشرف غنی، بیر نامه آرقهلی امریکا جمهور باشلیغی دونالد ترامپ گه قطار پیشنهادلرنی مطرح قیلگن.
امریکالیک نیویورک تایمز کوندهلیگینینگ بیر گزارش آرقهلی ایتیشیچه، محمداشرف غنی اوشبو نامهنی امریکا تشقی ایشلر وزیرلیگینینگ جنوبی آسیا ایشلری بوییچه نمایندهسی الیس ویلز آرقهلی ترامپ گه یوبارگن. جمهور باشلیغ غنی ایکی کون آلدین الیس ویلز بیلن جمهورلیک ریاستیده اوچرهشگن.
نیویورک تامیز گه کوره، جناب غنی امریکالیک کوچلرنینگ خرجتی و رقمینی کمهیتیریلیشینی پیشنهاد قیلگن.
اوشبو کوندهلیک که کوره، امریکا رسمیلریدن 3 تهسی مذکور نامهنینگ یوباریلگنینی تصدیق قیلگن و بو مملکت باشقه بیر رسمیسی مذکور نامهنینگ کورگنینی ادعا قیلگن. اونینگ ادعا قیلیشیچه، افغانستانده بولگن امریکالیک حربیلرنینگ خرجتلری و رقملرینی قندی شکلده کمهیتیریلیشی مطرح ایتیلگن.
منبع نینگ معلوماتی گه کوره، جناب غنی امریکالیک کوچلرنینگ افغانستاندهگی سابق قومندانی جان نیکلسون بیلن مصلحت قیلگنیدن سونگ، بو نامهنی ترامپ گه یوبارگن.
امریکا اوشبو رسمیلرینینگ کوپهیتیریشیچه، مذکور نامهده، افغانستانده بولگن امریکالیک کوچلرنی خرجتی و رقمینی کمهیتیریلیشی توغریسیده فعالیت قیلیش اوچون قوشنی کمیته ایجاد ایتیلیشی ایستهلگن.
نیویورک تایمزنینگ ایتیشیچه، جناب غنی نینگ پیشنهادی اساسیگه، امریکانینگ افغانستاندهگی کوچلرینینگ خرجتی ییلده ایکی میلیارد دالر کمهیتیریلهدی و اوشبو حربیلرنینگ رقمی 15 مینگدن 3 مینگ گه کمهیتیریلیشی ممکن.
حاضرده 15 مینگ امریکالیک حربی افغانستانده فعالیت قیلهدی و دونالد ترامپ کمیده بیر آی آلدین اولردن 7500 کیشیسینی افغانستاندن چیقیشینی مطرح قیلگن ایدی.
