افغانستان سیلاولرینی مالی نقطهی نظردن حمایت قیلووچی منبعلردن بیری نینگ سلاموطندارگه ایتیشیچه، سیلاولر ایرکین کمیسیونی نینگ برنامهسی توشونیلمس کورینهدی و یالغیز بایومتریک برنامهسی 12 آیدن 18 آی گچه وقت آلهدی و شوندهی بیرحالتده سیلاو اوتکزیلیشی اوچون تعیین ایتیلگن زمان گه بیش آیدن آزراق قالگن و حکومت حاضرگهقدر بو توغریده هیچ بیر ایش قیلمهگن.
اوشبو منبع نینگ اورغولشیچه، بو مرته افغانستان سیلاوی اوستیگه سرمایه یاتقزیش اورنیده سیلاولردن نظارت قیلوچی ادارهلر اوستیگه سرمایه یاتقیزهدیلر. مذکور منبعلرنینگ ایتیشلریچه، حاضرگی سیلاولر ایرکین کمیسیونی بیر عادی کارمند نی استخدام قیلیش گه کوچسیز دیر و شو یوزهدن سیلاو نی یولگه قوییش اولرنینگ کوچی دن تشقری دیر.
باشقه بیر تاماندن گزارشلر اساسیده، سیلاولر ایرکین کمیسیونی نینگ 26 ولایتی دفتری سرپرست آرقلی مدیریت بولهدی؛ اوشبو موضوع نهایتده مذکور کمیسیون حاضرگه قدر کلیدی چوکیلرینی تولدیرالمهسلیگی نی کورستهدی.
شونینگدیک جمهورلیک ریاستی نینگ قطار سیلاوی تیملرینی ایشانچی گه کوره، خلق ارا نهادلر جمهورلیک ریاستی سیلاوی نینگ مالی نقطهی نظردن حمایت قیلمهگن صورتده، مذکور کمیسیون سیلاولرنی یولگه قوییش اوچون قیینچیلک که دوچ کیلیشی ممکن.
سلاموطندارگه صحبت بیرگن عبدالله عبدالله سیلاوی تیمی نینگ اعضاسی نوررحمان اخلاقی نینگ ایتیشیچه، سیلاولر کمیسیونی جمهورلیک ریاستی سیلاوی نینگ یولگه قوییش اوچون مالی نقطهی نظردن قیینچلیک که دوچ کیلگن و شونینگدیک زمان هم سیلاولر پروسهسی نینگ ضرری گه آلغه بارهدی. جناب اخلاقی گه کوره، جمهورلیک ریاستی سیلاوی نینگ مالی قیینچلیگی حل بولمهگن صورتده، کمیسیون نینگ ایشلری قیینچلیک که دوچ کیلیشی ممکن و سیلاولر ینه بیر مرته ساختهکارلیکدن تولیق بولیشی ممکن.
عبدالله عبدالله سیلاوی تیمی نینگ اوشبو اعضاسی، حکومت جمهورلیک ریاستی سیلاوی نینگ بودجهسینی تیار قیلیشی توغریسیده آرقه گه قیتگنیدن خبر بیریب ایتیشیچه، بایومتریک سامانهلرینی قراردادی مسألۀسی حاضرگه قدر حل بولمهگن.
شونینگدیک حنیف اتمر رهبرلیگیده تینچلیک و برابرلیک سیلاوی تیمی نینگ سوزلاوچیسی محمد واعظی نینگ سلاموطندارگه ایتیشیچه، سیلاولر کمیسیونی، سیلاولرنی تعیین ایتیلگن زمانیده یولگه قوییش اوچون هیچ ارادهسی یوق و اوشبو کمیسیون برنامهلری حاضرگه قدر عمل گه آشیریلمهگن. جناب واعظی گه کوره، حاضرگه قدر بایومتریک سامانهلرینی ساتیب آلیش و بو حقده ایشلهیدیگن کیشیلرگه تعلیمات بیریش خصوصیده هیچ بیر ایش بولمهگن.
شو توغریده:
نیکولاس کی، جمهورلیک ریاستی سیلاوی توغریسیده خواطر بیلدیرگن
جمهورلیک ریاستی سیلاوینینگ دستلبکی بودجهسی 192 میلیون دالر تخمین ایتیلدی
«حکومت جمهورلیک ریاستی سیلاوینینگ خرجتینی تأمین قیله آلهدی»
اجراییه باشلیغی: جمهورلیک ریاستی نامزدلری دولتی امکانیتلر سوءاستعمال بولیشیدن خواطرلنماقده
تینچلیک و اعتدال تیرمه جماعهسی سوزلاوچیسی نینگ کوپهیتیریشیچه، سیلاولر ایرکین کمیسیونینینگ قراری جمهورلیک ریاستی قراریگه باغلیق دیر. جناب واعظی نینگ ایتیشیچه، سیلاو نتیجهسی نینگ جناب غنی منفعتیگه بولیشی اوچون حکومت سعی و حرکت قیلهدی. اونینگ تاکید قیلیشیچه، جمهورلیک ریاستی سیلاوینینگ تعیین ایتیلگن زمانده یولگه قوییلیشی خصوصیده حکومت نینگ ارادهسی یوق دیر.
سیلاولردن نظارت قیلیووچی نهادلر هم جمهورلیک ریاستی سیلاوینینگ تعیین ایتیلگن زمانیده یولگه قوییلیشیگه اینانمهیدی.
افغانستان تنیق سیلاوی یا-ده تیفا بنیادی نینگ باشلیغی نعیم ایوبزاده نینگ ایتیشیچه، نظم سیزلیک، منظم برنامه یوقلیگی، سیلاولر ایرکین کمیسیونینینگ عملی بولمهیدیگن ریجهسی، حکومت و خلق ارا جماعهسی آرهسیده کیلیشوو بولمهگنی باعث، جمهورلیک ریاستی سیلاوینینگ تعیین ایتیلگن زمانده یولگه قوییلمهیشی ممکن.
افغانستان ایرکین و عادلانه سیلاو بنیادینی باشلیغی یوسف رشید نینگ ایتیشیچه، جمهورلیک ریاستی سیلاوی نینگ بودجهسی حاضرگهقدر خلق ارا جماعهسی تامانیدن بیریلمهگن و سیلاو بوتون هزینهسی حکومت بوینیگه دیر. جناب رشید گه کوره، انهشوباعث، اوشبو سیلاونینگ تعیین ایتیلگن زمانده یولگه قوییلیشی ممکن ایمس.
بیراق، سیلاولر ایرکین کمیسیونینی سوزلاوچیسی ذبیحالله سادات نینگ ایتیشیچه، اولرنینگ فعالیتلری منظم شکلده دوام ایتماقده و حکومت هم سیلاو بودجهسیدن 20%نی بیریشگه تعهدلی دیر. جناب سادات گه کوره، جمهورلیک ریاستی سیلاوینینگ تعیین ایتیلگن زمانده یولگه قوییلیشی اوچون سیلاولر ایرکین کمیسیونی سعی و حرکت قیلهدی.
سیلاولر ایرکین کمیسیونی تامانیدن اعلان ایتیلگن تقویم گه کوره، جمهورلیک ریاستی سیلاوینی جاری ییل 6 میزانده یولگه قوییلیشی ممکن.
