مملکت اجراییه باشلیغی عبدالله عبدالله سپیدار سراییده یولگه قوییلگن وزیرلر کینگشی نینگ ییغینیده ایتیشیچه، طالبلرنینگ محبوسلرینی قوییب یوباریشدن مقصد یخشی نیت کورستیش دیر، «بیراق بوندی اقداملر کمپاینی بولیب و کمپاین گه تیگیشلی بولگن صورتده، تأثیری نی قولدن بیرهدی.»
جناب عبدالله مملکتده تینچلیک تأمین ایتیلیشی اوستیگه اورغولب کوپهیتیریشیچه، حاضر برچه کیشیلر تینچلیک ایستهیدیلر و اوشبو وضعیت مملکتده تینچلیک تأمین ایتیلشی گه یخشی زمینه یرهتگن.
اجراییه باشلیغی گه کوره، تینچلیک بیر کیشی گه تیگیشلی ایمس و بیر کیشی تینچلیک قهرمانی بوله آلمهیدی.
شونینگدیک بوندن آلدین مملکت قطار یشاوچیلری و سیاسی فعاللری طالبلر محبوسلری مملکت قماقخانهلریدن قوییب یوباریلیشی توغریسیده خواطر بیلدیرگن ایدیلر.
شو توغریده:
جمهور رئیس غنی: 887 محبوس قوییب یوباریلهدی
طالبان محبوسلری قوییب یوباریلگنده ینه-هم اوروش میدانیگه قیتهدی
افغانستان جمهور رئیسی محمداشرف غنی فطر بیریمی نینگ بیرینچی کونیده، مملکت قماقخانهلریدن 887 طالب قوییب یوباریش بویروغی نی صادر قیلگنی توغریسیده سوزبیرگن ایدی.
رسانهلرنینگ گزارشلری اساسیده، حاضرگچه طالبلرنینگ کمیده 400 محبوسی مملکت قماقخانهلریدن قوییب یوباریلگن و شونینگدیک باشقه یوزلرچه طالب نینگ قوییب یوباریش لایحهسی نینگ یکونلنماقده.
