امریکا قوشمه ایالتلرینینگ ملی خوفسیزلیک مصلحتچیسی کیچه بیوقت کابل کیلدی.
افغانستان ملی خوفسیزلیک کینگشی نینگ سوزلاووچیسی تواب غورزنگ، دونالد ترامپ نینگ ملی خوفسیزلیک مصلحتچیسی هربرت ریموند مک مستر اوشبو سفرده رسمی کابل – واشنگتن مناسبتی کوچلهنیشی اوستیده تاکید ایتدی دیدی.
شونینگدیک مک مستر مملکت رهبری محمداشرف غنی، عبدالله عبدالله و همکسبی محمدحنیف اتمرلر بیلن اوچرهشیب ملاقات قیلدی دیدی غورزنگ.
بوگون کابلده خبری انجمن اوتکزگن ملی کوچلر مرکزی قوماندانی نینگ اورین باسری مرادعلی مراد، امریکالیک بلند مرتبهلی هیات کابلگه قیلگن سفریده افغانستان وضعیتی نینگ حقیقی تصویرینی آلیب کیتهدی دیگن.
جناب مراد، رسمی کابل – واشنگتن اورتهسیدهگی امنیتی وعدهگه مطابق هر کیم ایشینی درست شکلده بجریشی کیرهک لیگی اوستیده اورغولهگن. اونینگ تعبیریچه، افغان ملی کوچلری آلدیندن کوره کوپراق جهازلهنیشی مقصدگه موافق.
ترامپ نینگ ملی خوفسیزلیک مصلحتچیسی افغانستانگه سفر قیلگن لیگینی خوش قرشیلهگن سنا مجلسی نینگ اعضالری، مملکت رهبریدن افغانستان ملی کوچلری قیین چیلیگینی هیات بیلن شریک قیلیشنی سورهگنلر.
