.jpg)
افغانستان بوییچه 1398- ییل سیلاوی نینگ کمیشنر نامزدی گیتی کوهستانی، 35 یاشینی تولدیرمهگنی باعث، کمیشنر بوله آلمهگن، حال بوکه 35 یاشرلیکدن یالغیز 15 کون کم ایکن.
1398- ییل جمهورلیک ریاست سیلاوی نینگ کمیشنر نامزدلریدن بیری گیتی کوهستانی، کمیشنرلیک مقامینی قولگه کیریتیش اوچون 7 ایجابی آواز قولگه کیریتگن، حال بوکه اینگ یوقاری آواز 9 بولیب مولانامحمد عبدالله قولگه کیریتگن ایکن.
سلاموطندارگه صحبت بیرگن خانم کوهستانی نینگ ایتیشیچه، او بوتون کیرهکلی حجتلرنی تیکشیریلیشی اوچون حکومت نینگ میدیالر بوییچه کمیتهسی گه یوبارگن، بیراق بو حجتلر بیر مرته میدیالر کمیتهسیدن یوقالگن و ایکینچی مرته بو کمیته سونگی دقیقه و جمهور رئیس کمیشنرلر تعیین ایتیلیش بویروغینی صادر قیلهدیگن چاغیده، اونینگ آتی یاشی 15 کون فرقلی بولگنی باعث، چیقاریلگنیدن خبر بیرگن.
گیتی کوهستانی قضایی ادارهلرده تورت ییللیک تجربه گه ایگه بولگن و ایکی مرته پنجشیر و پروان ولایتلریده سیلاو کمیسیونلری نینگ کمیشنری صفتیده ایش قیلگن.
خانم کوهستانی ملی کنگره حزبی نینگ آدرسیدن کمیشنر صفتیده تانیشتیریلگن ایکن. اونینگ ایتیشیچه، بو موضوع نی مسؤوللرگه ییتیشتیریش اوچون نیچه مرته سعی و حرکت قیلگن، بیراق میدیالرهم صحبتلرینی نشر قیلیشدن باش تارتیب ایتیشلریچه، جمهورلیک ریاست سرایی میدیالردن بو قضیهنی نشر قیلمسلرینی سورهگن؛ چونکه «ماجرا سیاسی دییشگن.»
.jpg)
اونینگ ایتیشیچه، کمیشنرلیک مقامی گه ایریشیش اوچون ییترلیچه آواز قولگه کیریتگن، بیراق ملی کنگره حربی تامانیدن تانیشتیریلگنی باعث، کمیشنرلرنینگ رویخطیدن چیقاریلگن.
اوشبو صحبتلر بیان ایتیلگن بیرچاغده، نیچه کون آلدین خصوصی بیر کوندهلیک، سیلاو ایرکین کمیسیونی نینگ کمیشنرلریدن بیری محمدحنیف دانشیارنینگ حجتلری ساخته بولگنینی بیلدیردی.
مذکور کوندهلیک تامانیدن بیریلگن معلومات اساسیده، محمدحنیف دانشیار سیلاو ایرکین کمیسیونی نینگ کمیشنرلیک مقامی گه ایریشیش اوچون یاشینی ایکی ییل یوقاری ساختهلشتیرگن؛ گرچند کمیشنرلرنینگ حجتلری تورلی ادارهلر تامانیدن نیچه مرته تیکشیریلهدی، بیراق حنیف دانشیار کمیشنرلیک مقامی گه ایریشگن.
اوشبو موضوع توغریسیده جمهورلیک ریاست سرایی نینگ فکرینی اورگنیش اوچون علاقه قوردیک، بیراق بو توغریده قیلگن سعی و حرکتلریمیز نتیجهسیز قالدی.
سیلاو قانونی نینگ 12- مادهسی و بیشینچی بندی اساسیده، سیلاو ایرکین کمیسیونیده اعضالیک ایستهگن کیشی 35 یاشینی تولدیریشی کیرهک.
