.jpg)
اوتگن هفته نمایندهلر کینگشی نینگ اعضاسی و دولت قورووچی تیمی نینگ ییریک اعضالریدن بیری شینکی کروخیل دن سیسلی بیر نوار چیقیب اجتماعی ترماقلرده قولمه قول بولدی.
دولت قورووچی تیمینینگ اعضالرینی «واتساپ» گروپیدن تشقری چیققن اوشبو سیسلی نوارده، شینکی کروخیل مذکور تیم نینگ ییریک اعضالری جملهدن محمدعمر داوودزی، شیدا محمد ابدالی و داوود سلطانزوی دن افغانستان بوییچه بیرلشگن ملتلر تشکیلاتی اورین بارسرلیک هیأتینینگ دفتری گه باریب سیلاو ایرکین کمیسیونی نینگ معلومات مرکزی نی قفلی سیندیریلگنی توغریسیده آچیقلیک بیریب و اولرگه بو قضیهده دخیل بولمهگنلری توغریسیده ایشانچ بیریشلری سورهگن.
سیسلی نوارده خانم کروخیل نینگ ایتیشیچه: «گروپ نینگ بوتون اعضالری گه سلام، حرمتلی ابدالی صاحب و باشقه یاردمچیلر، یوناماده بیزلر آرقهلی توزهلگن اوشه چینل اولرگه ایری مصلحت بیریشگن و سیزلر تیزلیککه کیلیب اوشه کیچه یوز بیرگن واقعه توغریسیده اوزلرینگیزدن مدافعه قیلینگیزلر و بو وضعیت بیزلرنینگ موقف میز اوستیگه تأثیر قویگن. مقابل تامان هم کمیسیون گه ایش قیلیش اوچون رخصت بیرمهگن و اولر بو توغریده آیدینلیک ایستهگنلر. بیزلرنینگ دلیللریمیز کوچلی بولیب و بو موضوع نی جدی شکلده رد قیلهیلیک.»
اوشبو سیسلی نوار تشقری چیقیشی کوپینچه عکسالعمللرگه سبب بولدی.
یوناماده موجود دولت قورووچی تیمی گه عاید ترماق توغریسیده یونامانینگ موقفی و توشونچهسینی اورگهنیش اوچون علاقه قوردیک، بیراق یوناما نیچه کون کوتتیریب صحبت بیریش گه حاضر بولمهدی و شینکی کروخیل بیلن قورگن علاقهمیز هم جواب سیز قالدی.
برقرارلیک و یقینلیک سیلاو تیم اعضاسی نینگ ایتیشیچه، یوناما کبی خلق ارالیک بیر اداره ده خاص بیر تیم گه عاید ترماق موجودلیگی، دموکراسی جریانی گه زیان ییتکیزیب و سیلاو شفافیتینی سوراققه دوچ قیلهدی.
برقرارلیک و یقینلیک سیلاو تیم باشلیغی علیاحمد عثمانی نینگ ایتیشیچه، بیرلشگن ملتلر تشکیلاتیده خاص بیر تیم گه عاید ترماق بولگنی خلق ارا بوییچه تقلب گه زمینه یرهتهدی.
بیراق، دولت قوروچی سیلاو تیمی اعضاسی داوود سلطانزوی نینگ ایتیشیچه، یوناما افغانستانده فعال بولگن خلق ارا نهادلری باشلیغیده قرار تاپگن و انهشوسبب، یوناما ده هرتیمدن قطار کیشیلر حضور تاپگنلر.
جناب سلطانزویگه کوره، خانم شینکی کروخیل مذکور سیسلی نوار ده اوشبو تیم اعضالریدن دیتاسنتر ایشیگی نینگ قفلی سیندیریلگنی خصوصیده، یوناما گه کوپراق معلومات بیریشینی سورهگن ایدی.
عبدالله عبدالله رهبرلیگیگه بولگن ییقینلیک و برقرارلیک سیلاو تیمی نینگ ادعا قیلیشیچه، (CRU) پولیس خاص کوچلری «دولت قوروچی» سیلاو تیمی نظارتچیلری نینگ هماهنگلیگی آرقهلی اوتگن هفته "یکشنبه" کیچهسی ساعت 10 اطرافیده سیلاو ایرکین کمیسیونی دیتاسنتری ایشیگی نینگ قفلینی سیدیریش بیلن اوشبو مرکزگه کیرگنلر.
ییقینلیک و برقرارلیک سیلاو تیمی بو واقعه یوز بیرگنی سبب، ایچکی ایشلر وزیرلیگی نینگ ییریک اورین باسری خوشحالخان سعادت، کمیسیون دبیرخانه باشلیغی حبیبالرحمن ننگ و کمیسیون خوفسیزلیک مصلحتچیسی نینگ وظیفهلرینی توختهتیلیشینی سورهگن ایدی.
بیراق، ایچکی ایشلر وزیرلیگی مطرح ایتیلگن ادعالرنی رد قیلگن: « امنیتی کوچلرنینگ سیلاو ایرکین کمیسیونی ایچکی ایشلریگه دخالت قیلگنی خصوصیده ترقهتیلگن گزارشلر ناتوغری دیر و امنیتی کوچلر بو توغریده طرفسیز شکلده عمل قیلیب و اوز مسوولیتلرینی ممکلت قانونلریگه کوره انجام بیرهدی.»
بو واقعه یوز بیرگنیدن سونگ، سیلاو ایرکین کمیسیونی مسووللری، هوا ساووقلیگی سبب، امنیتی کوچلر دیتاسنترگه کیرگنینی بیلدیرگن ایدی.
