غور والیسی سیما جوینده، سلاموطندار بیلن اوتکزگن خاص صحبتیده، مذکور ولایتده زورهوان و ناقانونی قوراللی کیشیلر کینگ فعالیتیدن خواطر بیلدیریب ایتیشیچه، بو کیشیلر دولت یانیده، موازی حکومت تشکیل بیرگن. خانم جویندهنینگ کوپهیتیریشیچه، بو کیشیلرنی باشقریش و قورالدن بوشهتیش محلی رسمیلر توانیدن یوقاری دیر.
غور والیسینینگ ایتیشیچه، مذکور ولایت خلقینینگ اورتهسیدهگی کینگ فلاکت و قشاقلیک دلیلی، قوراللی کیشیلر حضوری، فعالیتی و ناقانونی قومندانلر اورتهسیدهگی اوروشلر دیر. خانم جویندهنینگ ایتیشیچه، خلق تیکشیرووی اساسیده، غور ولایتیدهگی ناقانونی قوراللی کیشیلر رقمی 10 مینگدن آرتیق بولگن. بیراق مذکور ولایت کشفی اداره معلوماتیگه کوره، اولرنینگ رقمی 6 مینگ کیشیگه ییتیشهدی.
خانم جوینده، ناقانونی قوراللی کیشیلرنی، طالبلردن یمان دیب و ایتیشیچه، مذکور کیشیلر اجتماع امنیتینی برهم اوروشیگه قوشیمچه، موازی حکومت تشکیل بیرگن. شونینگدیک، بیری- بیراویگه قرشی اوروشیب و اویمه اوی اوروشنی قیزیقتیرگن.
غور والیسیگه کوره، اوشبو کیشیلر اوروشلرده تورلی آغیر و یینگیل قوراللردن فایدهلنهدی. اوشبو قوراللر و اوروش جهازلریدن کوپینچهسی تشقی مملکتلردن آلیب کیلینهدی و غورنینگ ناتینچ منطقهلریده ساتیبآلینهدی.
ناقانونی قوراللی کیشیلر یانیده، طالبان حضوری غوریلر اوچون باشقه قیینچیلیک سنلهدی. غور والیسی چهارسده و شهرک تومنلرینی، مذکور ولایت ناتینچ منطقهلریدن بیلیب و ایتیشیچه، اوشبو ولایتده طالبلرنینگ قیسی منطقهلرگه فعالیت قیلیشینی یخشی بیلهدی؛ بیراق مرکزی حکومت تامانیدن اولرگه یاردم بیریلمهگن صورتده، اولر یالغیزلیکده طالبلرنی بو منطقهلردن چیقارهآلمهیدی.
غور ولایتی کینگش باشلیغی فضلالحق احسان، مذکور ولایتده ناقانونی قوراللی گروهلر حضورینی تأیید قیلهدی؛ بیراق ایتیشیچه، اوشبو کیشیلردن بیرقطاری حکومتگه و بیرقطاری طالبلرگه یاردم بیرهدی. جناب احسان، مذکور ولایتده حکومت کوچسیزلیگیدن تنقیدقیلیب و ایتیشیچه، ناقانونی قوراللی کیشیلر حکومتگه یاردم بیرمهگن صورتده، غور محلی ادارهسی بیرکونده سقوط قیلهدی.
غور ولایتی افغانستاننی اوچینچی درجهلی ولایتلریدن سنلهدی. اوشبو ولایت یشاوچیلری، نیچه مرته حکومتدن تنقید قیلیب، مذکور ولایتده ناراضیلیککه قول اوریب و ایتیشیچه، مرکزی حکومت بو ولایت خصوصیده، بی فرق یاندهشهدی. غور یشاوچیلریگه کوره، خلق یشاوچیلیک حقوقی جملهدن سرک، برق و ایچیملی سوودن فایدهلنه آلمهیدی.
