افغانستان نهضت اسلامی و ملی همبستهگی حزبلری امریکا حربیلری تامانیدن ننگرهار ولایتی نینگ اچین تومنیگه تشلنگن ییریک بمبنی قارهلهدیلر.
افغانستان نهضت اسلامی حزبی نینگ مسووللری خبری بیر ییغینده امریکا ملی کوچلری آرقهلی اتم سیز ییریک بمب ایشلهتیلیشی افغانستان ملی حاکمیتینی آیاق آستی قیلیش دیگنلر. بو حزب بیرلشگن ملتلر تشکیلاتیدن مسالهنی تیکشیریشنی سورهگنلر.
اولرنینگ سوزلریگه کوره، اتم سیز ییریک بمب ننگرهار ولایتیگه تشلهنیشی افغانستانده نیابتی اوروش دوامیگه سبب بولیشی ممکن.
افغانستان اسلامی نهضت حزبی نینگ رییسی مولوی محمد مختارنینگ سوزلریگه کوره، بولر بیر قطعنامه صادر قیلیش بیلن بیرلشگن ملتلر تشکیلاتی، منطقهوی تشکیلاتلر و افغانستان حکومتیدن بو موضوعنی جدی تیکشیریشینی طلب قیلگنلر.
باشقه تاماندن همبستهگی حزبی نینگ اعضالری حادثه عکس العمل بیلدیریب بو ییریک نمایش اوتکزدیلر.
اوشبو حزب نینگ رسمیلری، اوشبو بمبنی ایشلهتیش ترورچیلیککه قرشی کورهش اوچون هیچ قندهی علاقهسی یوق دیگنلر. امریکا داعش اعضالری ایاغینی شمالگه تارتیش بیلن روسیه بیلن چیگرهداش منطقهلر امنیتینی بوزیشگه اولگورهدی.
رمزی حرکت اوتکزگن اوشبو حزب نینگ اعضالری ترامپ، جمهور رییس غنی و عبدالله عبدالله نقابینی کییب اچینگه تشلنگن بمبگه اوخشهگن بمبنی ییلکهلریگه کوتاریب اعتراض بیلدیرگن.
افغانستان ملی همبستهگی حزبی نینگ رهبری سلی غفار، امریکا دولتی اتمسیز ییریک بمب نی افغانستانده سیناودن اوتکزیش بیلن چین و روسیه مقابیلیده قدرت نمالیک قیلهدی دییه تاکید ایگن.
افغانستان حکومتی و امریکا حربیلر مذکور هجومده داعش جنگریلرگه کته تلفات ییتکزیلگن لیگینی ایتهدیلر. اما، قطار سیاستچیلر و سابق جمهور رییس حامد کرزی امریکا ملی کوچلری بو قیلمیشینی افغانستان ملی حاکمیتینی ایاق آستی قیلیش دیدیلر.
