بوگون "یکشنبه" مملکت بیرینچی خانمی رولا غنی نینگ کابلده بیر ییغین آرقهلی ایتیشیچه، یشاوچیلر وقتینچهلیک تینچلیک ایستمهیدی، چونکه حاضرگی وضعیتده مملکتده تینچلیک و ثبات دوام تاپیشی خصوصیده هیچقندی تضمین یوق دیر.
عینحالده، تینچلیک عالی کینگشی نینگ بیرینچی اورین باسری عطاالرحمان سلیم نینگ بو ییغینده ایتیشیچه، مملکتده تینچلیک تامین ایتیلیشی خصوصیده، تینچلیک عالی کینگشی اوز ایشینی انجام بیرهدی، بیراق طالبان گروهی افغانستان حکومتی بیلن مذاکره قیلیشگه حاضر بولمهیدی.
شونینگدیک، معلومات و مدنیت وزیرلیگینی یاشلر بولیمی اورین باسری محمداجمل شاپور نینگ ایتیشیچه، تینچلیک سوزلشوولرده افغانستان نینگ 18 ییللیک یوتوقلرنی سقلهنیشی کیرهک.
آمریکا و طالبان نمایندهلری آرهسیده بولگن تینچلیک سوزلشوولرنینگ 7 – دوری یولگه قوییلیشی اوچون قرار قیلینگن بیرحالده، بو صحبتلر مطرح ایتیلهدی.
