بوگون "دوشنبه" جمهورلیک ریاستی سوزلاوچیسی صدیق صدیقی نینگ کابلده خبری بیر ییغین اوتکزیب ایتیشیچه، افغانستان حکومتی نینگ مذاکره قیلیووچی هیاتی مذاکره قیلیشگه تیار و سوزلشوولر باشلهنیشی اوچون قرشی طرفنی هم تیار بولیشی کیرهک.
عینحالده، نمایندهلر کینگشی اعضالری نینگ قیش موسومی تعطیلدن سونگ، بیرینچی ییغینیده ایتیشلریچه، طالبان هیاتیگه نسبتن حکومت تامانیدن تعیینلنگن هیات کوچسیز دیر.
اولرنینگ ایتیشلریچه، افغانستان حکومتی تامانیدن تعیینلنگن هیات طالبان گروهی برابریده ملی منفعتلردن دفاع قیله آلمهیدی.
نمایندهلر کینگشی اعضالریگه کوره، تینچلیک جریانی افغانستانلیکلر اختیاریگه ایمس، بلکیم منطقه مملکتلری تامانیدن مدیریت قیلینهدی.
نمایندهلر کینگشی اعضاسی عبدالرحمان وردک نینگ ایتیشیچه، اهالی نینگ تینچلیک لایحهسی خصوصیده بولگن امیدلری کوپهیگن، بیراق مذاکره قیلیووچی هیات و ملی مصالحه کینگشی اعضالری خصوصیده سیاستچیلر آرهسیده بولگن تارتیشوولر اوشبو جریانده زیان ییتیشتیرهدی.
شونینگدیک، سیاسی ایش بیلرمانلردن بیری حسن حقیارنینگ ایتیشیچه، طالبان هیات نینگ اعضالری سیاسی و دینی موضوعلرده کوچلی و تجربهلی دیر.
اونینگ ایتیشیچه، طالبان هیاتی آمریکا بیلن هم مذاکره قیلگن و تجربهلی، بیراق حکومت تامانیدن تعیینلنگن هیات اعضالریدن کوپ قطارینی تجربهسی یوق و سیاسی و دینی معلوماتلری هم کم دیر.
