کابل بیلیم یورتی استادی ینه قیزیل حاج تشکیلاتینینگ ملازمی غلامفاروق غرزی چمهسی 23 ییل آلدین کابل – قندهار عمومی یولیده گلبدین حکمتیار رهبرلیگیده بولگن اسلامی حزبگه وفادار قوراللی شخصلر تامانیدن قولگه آلینیب سونگ آتیب تشلنگن.
بار امکانیتدن فایدهلهنیب ایکّی ییل آتهسینی قیدیریب تاپه آلمهگن لیگینی تیلگه آلهدی اونینگ اوغلی جاوید. اما، انچه وقتدن سونگ آتهسی اسلامی حزب اعضالری تامانیدن اولدیریلگنلیگی حقده خبر بولهدی جاویدنینگ عایلهسی. جاویدنینگ آتهسی داکترنجیب حکومتی دوریده «سیاسی فعالیت» قیلگنلیککه عیبلهنیب 11 ییل آزادلیکدن محروم ایتیلگن. جاوید، آتهسی اسلامی حزبگه قرهشلی قوراللی شخصلر طرفیدن حبسگه آلینگن پیتده هیچ بیر حزب یا سیاسی جریانگه تیگیشلی بولمی فقط قیزیل حاج تشکیلاتینینگ عادی بیر ملازمی بولگن لیگینی بیلدیرهدی.
جاویدنینگ آتهسی اوشه زمان گلبدین حکمتیار حربی قرارگاهی بولمیش کابلنینگ چهار آسیاب منطقهسیده آتیب اولدیریلگن. اونینگ خانهدانی ایکّی ییل آوارهلیکدن کیین اولدیرلگنیدن خبر تاپگنلر. جاوید، آتهسی انسانی همده روشنگرلیک قدریتلر قربانی بولگنلیگینی ایتهدی.
جناب غرزی بیلن قولگه آلینیب چهار آسیابگه آلیب باریلگن اونینگ اورتاقلریدن بیری، حکمتیار اوز قولی بیلن غرزینی اولدیریب حیاتیگه پایان بیرگن دیدی. حکمتیار، جناب غرزیدن پایتخت سیاسی وضعیتی بارهسیده اونگه معلومات بیریشنی سورهگن؛ بیراق جاویدنینگ آتهسی بو ایستککه ایجابی جواب بیرمهگن بولیشی ممکن.
جاوید حیاتینینگ اینگ اچیق دملری غلامفاروق غرزی نینگ اولدیریلشی بیلن یوغریلگن؛ دیمک اونینگ ایتیشیچه، خانهدانی پایدیوارینی لرزه گه کیلتیرگن نرسه گلبدین حکمتیار چقیریلیب او ملی بیرلیک حکومتی تامانیدن آقلهنیشی دیر. جاویدنینگ سوزلریگه کوره، دولت حکمتیار و اونینگ حزبیگه قول اوزهتیب بو حزب نینگ اوتیمشلرده خلق اوستیگه کیلتیرگن قاره کونلریگه صلوات ایتگن، بیراق اهالی هیچ بیر زمان بو حزب نینگ قیلمیشینی اونیتمی حکمتیار جنایتلری اوستیدن اوتیشی ممکن ایمس.
