بوگون جمعه کابلده خبری ییغین اوتکزگن جمهورلیک ریاستی ایکینچی اورین باسری سرور دانش نینگ ایتیشیچه، جمهورلیک ریاستی سیلاوینینگ دستلبکی نتیجهسینی تیزلیککه اعلان ایتیلیشی کیرهک.
جناب دانش، جمهورلیک ریاستی نامزدلریدن سیلاو ایرکین کمیسیونی نینگ قرارلریگه حرمت قیلیشینی سورهیدی.
اونینگ کوپهیتیریشیچه، بیرقطار سیلاو تیملری و سیاسی گروهلر سیلاو جریانیگه توسیق بولیش اوچون سعی و حرکت قیلهدیلر و ایکی آیدن بویان سیلاو ایرکین کمیسیونی و اهالی آوازلرینی گروگه آلگنلر.
جمهورلیک ریاستی نینگ ایکینچی اورین باسری، تینچلیک سوزلشوولرده افغانستان یشاوچیلری نینگ مالکیتلری اوستیگه تاکید قیلهدی.
اونینگ ایتیشیچه، تینچلیک سوزلشوولرده 19 ییللیک یوتوقلر، ایرکین سوز و یشاوچیلرنینگ حقوقلرینی قربان بولمهیشی کیرهک.
سیلاو ایرکین کمیسیونی مسووللری، جمهورلیک ریاستی سیلاوینینگ دستلبکی نتیجهسی کیلهجک هفته اعلان ایتیلیشیدن خبر بیرگن.
