افغانستانلیکلر ارا تینچلیک سوزلشوولری اوتگن کونی کیچقورون 8 مادهلیک بیر شرطنامه ترقهتیلیشی بیلن یکونلندی، بیراق مذکور شرطنامه هیچبیر بولیمیده دموکراسی، میدیالر و ایرکینسوز خصوصیده اشاره قیلینمهگن.
افغانستان ایرکین میدیالریدن حمایت قیلووچی اداره یا-ده نی تشکیلاتی مسوولی نوید محمدی نینگ سلاموطندارگه ایتیشیچه، مذکور شرطنامهده میدیالر و ایرکینسوز خصوصیده اشاره قیلینمهگنی خواطرلی دیر.
جناب محمدیگه کوره، ایرکینسوز و میدیالر فعالیتی نینگ سوزلشوولر تامانلریدن بیر ارزش صفتیده قبول ایتیلیشی کیرهک.
جناب محمدی نینگ کوپهیتیریشیچه، افغانستان میدیا جماعهسی ایرکینسوزنی تامین قیلیش خصوصیده، کوپینچه قربانلیک بیرگن و سوزلشوولر طرفلری نینگ میدیالر فعالیتی خصوصیده بیللی موقف آلیشی کیرهک.
عینحالده، جمهورلیک ریاستی سوزلاوچیسی صدیق صدیقی نینگ کابلده بیرخبری ییغین آرقهلی ایتیشیچه، قطر تینچلیک سوزلشوولریده اشتراک قیلگنلر ایرکینسوز و میدیالر خصوصیده اشاره قیلمهگنلر.
افغانستانلیکلر ارا تینچلیک سوزلشووی قطر باشکنتی دوحه شهریده آلمان و قطر میزبانلیگیگه یولگه قوییلگن ایدی و بو ییغینده 70 کیشی افغانستان نمایندهلیگی و 17 کیشی طالبان تامانیدن اشتراک قیلگن ایدیلر.
